भारी बरखा हूँण से कूड़ उजड़ी, यमकेश्वर वीरकाटल सुनील कुमार परिवार बेघर
भारी बरखा हूँण से कूड़ उजड़ी, यमकेश्वर वीरकाटल सुनील कुमार परिवार बेघर।
यमकेश्वर: आज बरसात कारण जगह जगह गाड़ गदन भर्या छन जगह जगह रस्ता टूट गीन, कई जगह पहाड़ धसकी गीन, वखि गाँव मा कुछ पूरण कूड़ भी उजड़ गीन।
यमकेश्वर ब्लॉक ग्राम सभा बूंगा खंड ग्राम वीर काटल मा भारी बरसात चलद गरीब मजदूर परिवार सुनील कुमार मकान जमींदोज व्हे ग्यायी। क्षेत्र पंचायत बूंगा सुदेश भट्ट न बतायी कि यी भारी बरसात मा सुनील कुमार नौंन रमेश चंद परिवार पर आसमानी आफत एकन बेघर कर ग्यायी। घर सब सामान मलवा मा दबिक़न बर्बाद व्हे ग्यायी। सुनील कुमार घरवली अर बच्चों न बडी मुश्किल से अपरी जान बचाई। घटना बाद सुनील कुमार परिवार खुल आसमांन तळ बरसात मा रैवास कन मजबुर च। क्षेत्र पंचायत सदस्य सुदेश भट्ट व ग्राम प्रधान न शासन प्रसाशन से पीड़ित परिवार तै शीघ्र ही क्षति पूर्ति उचित मुवावजा देकर शीघ्र ही बेघर हुये परिवार तै आशियाना दिलाण की मांग करी। ये बाबत बाबत क्षेत्र पंचायत व ग्राम प्रधान द्वारा संबधित बिभाग तै जल्द ही राहत पहुंचाण सूचना दे दीये ग्यायी।
