उत्तराखंड मा स्वास्थ्य सुविधा बढ़ाण खातिर हाईकोर्ट मा दायर जनहित याचिका
उत्तराखंड मा स्वास्थ्य सुविधा बढ़ाण खातिर हाईकोर्ट मा दायर जनहित याचिका।
देहरादून । पिछल दिनों मा पूर भारत मा कोरोना महामारी न अपर कुप्रभाव दिखायी जैमा उत्तराखंड भी अछूता नि रायी। भले ही कोरोना कहर अब कम व्हे ग्यायी किन्तु प्रदेश मा अब तक डेथ-रेट 2.15 % रायी जूकि पूर भारत मा चिंताजनक दूसर स्थान पर च। कोरोना तीसरी लहर क शंका बणी च अर पहाड़ मा होर बीमारियूँ बाबत स्वास्थ्य सुविधाओं अभाव दृष्टिगत, प्रदेश मा स्वास्थ्य सुविधाओं तै बढ़ाण खातिर सामाजिक कार्यकर्ता अभिनव थापर न माननीय हाईकोर्ट नैनीताल मा जनहित याचिका लगाई।
याचिकाकर्ता अभिनव थापर न माननीय हाईकोर्ट समणी मुख्य बिंदु मा आवास विभाग क हॉस्पिटल, नर्सिंग होम व स्वास्थ्य सेवा दीण व्हाल संस्थान “वन टाइम सेटलमेंट- OTS- 2021” स्कीम मा कमियों व क्लीनिकल एस्टेब्लिशमेंट एक्ट – CEA से संबंधित च। यूँक नियमों मा शिथिलता से उत्तराखंड मा हॉस्पिटल बेड वर्तमान संख्या तै घटण से रुकण व उकी संख्या बढ़ाण भी प्रावधान करे जै सक्याल। याचिका मापहाड़ी क्षेत्र बाबत विशेष शिथिलीकरण की मांग करे ग्यायी। जैसे प्रदेश क दूरस्थ पहाड़ी क्षेत्रों मा स्वास्थ सुविधाओं अवसर बढ़ सको अर पूर प्रदेश तै स्वास्थ्य सुविधाओं क लाभ मिली सको।
उल्लेखनीय बात या कि देहरादून निवासी अभिनव थापर न अपर दगड्यो दगड़ी मिलीकन”कोविड हेल्प सेन्टर, उत्तराखंड- COVID HELP CENTER UK” ग्रुप व कई अन्य व्हाट्सएप ग्रुप द्वारा भी प्रदेश मा कोरोना दूसर लहर मा प्रदेश भर क मरीजों तै ऑक्सिजन, अस्पताल मा ऑक्सिजन बेड, आई०सी०यू०, वेंटिलेटर, दवाई व सबसे महत्वपूर्ण ” प्लाज्मा व्यवस्था” करि कि कई प्रकार से मदद पहुँचाण काम सहयोग करी । ये अलावा देश भर बिटी कई फ़िल्मी हस्तियों जन कुणाल कपूर, भूमि पेडनेकर, विनीत कुमार सिंह ,आदि तै उत्तराखंड मरीजों सहयोग मा भी अपर योगदान द्याय।
जनहित याचिका क माननीय हाईकोर्ट अधिवक्ता अभिजय नेगी न बताया कि हाईकोर्ट क मुख्य न्यायाधीश युक्त पीठ न यी याचिका क स्वास्थ्य सेवाओं तै बढ़ाण बाबत विषय का संज्ञान लियाल अर सरकार तै नोटिस जारी करी कन 4 हफ्ते मा अपर पक्ष रखण आदेश देन।
