भाजपा सरकार न ऋषिकेश-कर्णप्रयाग रेलवे लाइन अर आलवैदर रोड़ जणी ऐतिहासिक काम करीन महाराज

भाजपा सरकार न ऋषिकेश-कर्णप्रयाग रेलवे लाइन अर आलवैदर रोड़ जणी ऐतिहासिक काम करीन महाराज
Spread the love

भाजपा न ऋषिकेश-कर्णप्रयाग रेलवे लाइन अर आलवैदर रोड़ जणी ऐतिहासिक काम करीन महाराज।

चमोली। प्रदेश क पर्यटन, लोक निर्माण, सिंचाई, संस्कृति मंत्री अर जनपद क प्रभारी मंत्री श्री सतपाल महाराज न बुधवार कुणी भारतीय जनता पार्टी गौचर मण्डल कार्यसमिति बैठक मा प्रतिभाग कर कार्यकर्ताओं अर मण्डल पदाधिकारियों से ब्वाल कि वर्तमान मा हमर समक्ष अनेक चुनौतियां छन। यन मा महत्वपूर्ण भूमिका निभे कन अपर लक्ष्य तै पूर कन।

भारतीय जनता पार्टी गौचर मण्डल कार्यसमिति बुधवार कुणी नगर पालिका सभागार मा आयोजित बैठक तै सम्बोधित करी कन प्रदेश कैबिनेट मंत्री अर जिला प्रभारी मंत्री श्री सतपाल महाराज न ब्वाल कि भाजपा कार्यकर्ताओं तै केन्द्र व राज्य की भाजपा सरकार उपलब्धियों तै जन-जन तक पहुंचाण दगड़ी प्रदेश मा ऋषिकेश-कर्णप्रयाग रेलवे लाइन अर अॉलवैदर रोड़ जन ऐतिहासिक कार्यों विषय तै गांव-गांव तक पहुंचाण चियाँद। हम तै आम जन तै बताण व्हाल कि प्रधानमंत्री श्री नरेंद्र मोदी जी बिना क्वी भेदभाव तमाम तरह की आलोचनाओं बावजूद भी देशहित मा अपर जीवन होम कन मा लग्या छन ।

श्री महाराज न ब्वाल कि केंद्र अर राज्य मा भाजपा सरकार हूँण कारण आज कार्यकर्ताओं की बात सुणयाणी छन, उ काम हूँणा छन। जू भी आपस मा गिले-शिकवा उन भूलेकन सब तै मिलजुली कन काम करण।

केन्द्र अर राज्य मा सत्तारूढ़ भारतीय जनता पार्टी की सरकार मा अनेक विकास कार्य हूँणा छन। प्रधानमंत्री गरीब कल्याण अन्न योजना, प्रधानमंत्री कौशल विकास योजना, जल जीवन मिशन, पी. एम. मोदी हेल्थ कार्ड योजना जणी जनकल्याणकारी योजनाओं माध्यम से सब्बि तै लाभ दीण दगड़ी राज्य सरकार भी अनेक योजनाओं पर काम कना छन।

उन ब्वाल कि प्रदेश क छुट उद्यमियों क व्यापक हित मा मुख्यमंत्री स्वरोजगार योजना अति सूक्ष्म (नैनो उद्यम) लागू कन भी निर्णय लिये ग्यायी। ये अंतर्गत सिलाई बुनाई फल विक्रेता जणी छूट लगभग 20 हजार व्यवसायियों तै लाभान्वित करे जाल। ये कुणी प्रति व्यक्ति तै 10000 ऋण पर ₹5000 की सब्सिडी प्रावधान करे ग्यायी।

चमोली जिला क प्रभारी मंत्री श्री सतपाल महाराज न भाजपा कार्यसमिति गौचर मंडल की बैठकमा कार्यकर्ताओं मा जोश भरी कन ब्वाल कि हमरी सरकार न अतिथि शिक्षकों क वेतन 15000 से बढेकन 25000 कन निर्णय ल्यायी। इनि मनरेगा कर्मियों क रिक्त पदों पर वाह्य स्रोत क माध्यम से भर्ती करे जाली। कार्यरत अतिथि शिक्षकों तै प्राथमिकता आधार पर उक गृह जनपद मा ही नियुक्ति दीये जाली।

श्री महाराज न भाजपा कार्यकर्ताओं से ब्वाल कि ” न हमुन रुकण च, न हमून थकण च, हमें हमेशा अगवड़ी बढण। ये विचार तै लेकन हम चुनाव की तैयारी कन।

श्री सतपाल महाराज न मण्डल कार्यसमिति से पैल जख एक ओर भाजपा कार्यकर्ताओं की समस्याओं तै सुणन दगड़ मौका पर ही वेक निस्तारण करी वखि उ लोक निर्माण, सिंचाई समेत अनेक विभाग क अधिकारियों तै आवश्यक निर्देश देकन सब्बि से सरकार क योजनाओं तै बगत पर पूर कन क भी हिदायत द्याय।

उन ब्वाल कि देश मा क्वी भी भूखा न स्याव यी बात तै ध्यान मा रखी कन केंद्र सरकार न प्रधानमंत्री गरीब कल्याण अन्न योजना तहत खाद्यान्न निशुल्क वितरित कर 80 करोड़ से भी अधिक लोगू तै फायदा द्याय। प्रदेश सरकार न भी राज्य खाद्य योजना अंतर्गत कोविड काल मा सभी कार्ड धारकों तै तीन महीना तक 2 किलो चिन्नी राज्य खाद्य योजना तहत सभी एपीएल कार्ड धारकों तै मिलण व्हाल 2.5 किलो चावल, 5 किलो गेहूँ तै बढ़ाकर 5 किलो चावल अर 10 किलो गेहूँ 3 मैना तक दियाणा च।

लोनिवि मंत्री श्री महाराज न बदरीनाथ रोड़, धोलतीर, नगरासू क समीप मलबा आण से अवरूद्ध मार्ग निरीक्षण कन अलावा शीघ्र मार्ग खुलण निर्देश अधिकारियूँ तै देन।

बैठक मा सांसद प्रतिनिधि राकेश कुमार डिमरी, मंडल प्रभारी प्रेम सिंह राणा, मंडल अध्यक्ष जयकृत बिष्ट, पूर्व विधायक अर प्रदेश कार्यकारिणी सदस्य अनिल नौटियाल, अनुसूचित एवं जनजाति मोर्चा प्रदेश उपाध्यक्ष नवीन टाकुली, जिला उपाध्यक्ष गजेंद्र नयाल, ब्लॉक प्रमुख दर्शन सिंह दानू, मंडल महामंत्री दिनेश चंद डिमरी अर सुनील पुजारी, नगर पालिका अध्यक्ष श्रीमती अंजू बिष्ट, जेष्ठ प्रमुख प्रदीप चौहान, पंचायत सदस्य विनोद कुमार नेगी, सुंदरलाल, मुकेश नेगी, श्रीमती अंजनी नेगी, श्रीमती ममता आर्य, देवेंद्र नेगी, अनिल नेगी, सुरेंद्र लाल, टीका प्रसाद मैखुरी आदि उपस्थित छ्यायी।

*निशीथ सकलानी*
मीडिया प्रभारी, श्री सतपाल महाराज जी, माननीय मंत्री पर्यटन, लोक निर्माण, सिंचाई, धर्मस्व एवं संस्कृति, उत्तराखंड सरकार।

Amit Amoli

Leave a Reply

Your email address will not be published.