सडक घटिया निर्माण पर लोनिवि मंत्री सतपाल महाराज न देन जांच आदेश।
- सडकों घटिया निर्माण पर लोनिवि मंत्री न देन जांच आदेश।
*गुणवत्ता से क्वी समझौता नि सतपाल महाराज*
बीरोंखाल। कैबिनेट मंत्री अर चौबट्टाखाल विधायक श्री सतपाल महाराज न इतवार कुणी भी अपर विधानसभा क्षेत्र भ्रमण दौरान अनेक योजनाओं लोकार्पण कन दगड़ी सड़क स्थलीय निरीक्षण करी कन मौका पर ही जांच आदेश देन।
पर्यटन, लोक निर्माण, सिंचाई एवं संस्कृति मंत्री अर चौबट्टाखाल विधायक श्री सतपाल महाराज न क्षेत्र भ्रमण दौरान इतवार कुणी भी विभिन्न योजनाओं लोकार्पण करी। श्री महाराज न विकासखंड बीरोंखाल अंतर्गत आंगनबाड़ी केंद्रों मा अध्ययनरत बच्चों कुणी बैठण बाबत विधायक निधि बिटी मुलया फर्नीचर अर जननियू तै मुख्यमंत्री महालक्ष्मी किट बटींन।
उन मैठाणा मा खेल मैदान दगड़ी मैठाणा-दुवलान मोटर मार्ग जैक लागत 33 लाख 40 हजार है, 6 करोड़ 96 लाख 26 हजार क लागत से निर्मित लैगल-कोटा मोटर मार्ग अरर 77 लाख 28 हजार की कैलाड़ सोलर पम्पिंग पेयजल योजना भी लोकार्पण ल्यायो। क्षेत्र भ्रमण दौरान लोनिवि मंत्री अर क्षेत्रीय विधायक श्री सतपाल महाराज न जख एक तरफ लोक निर्माण विभाग अर पीएमजीएसवाई विभिन्न सड़कों स्थलीय निरीक्षण करी वखि उन लोनिव क रिखाड़-धोबीघाट-आमकुलाउ मोटर मार्ग अर पीएमजीएसवाई बिटी हाल ही मा बणयी मैठाणा घाट बवांसा-रसिया महादेव मोटर मार्ग अर तिमलीखाल-सैंधार मोटर मार्ग खराब गुणवत्ता तै लेकर अधिकारियूँ तै जांच आदेश देन।
सतपाल महाराज न लोक निर्माण विभाग अरर पीएमजीएसवाई क अधिकारियों तै विभिन्न क्षेत्रों मा सड़क निर्माण बगत अधिग्रहित करी लोगू जमींनकी सालों बिटी लंबित मुआवजों क शीघ्र भुगतान कन निर्देश भी देंन।
श्री महाराज न अधिकारियों से ब्वाल कि वह शासनादेश तहत काम कन दगड़ी सड़कों क निर्माण मा गुणवत्ता खास ख्याल रखो। उन ब्वाल कि गुणवत्ता से क्वी समझौता नि करे जाल।
ये मौके पर उक दगड़ी उक सुपुत्र श्री सुयश रावत, श्रीमती मोहिना रावत, बीरोंखाल भाजपा मण्डल अध्यक्ष श्री यशपाल गोर्ला, ब्लाक प्रमुख श्री राजेश कण्डारी, पूर्व ब्लाक प्रमुख श्री दर्शन सिंह रिगोड़ा, श्रीमती सरिता पोखरियाल, सोनू कुमार, नरेश चंद्र सुयाल, दीप्ति प्रकाश, ओमपाल बिष्ट, राकेश नेगी, ध्यान पाल गोसाई, आलम सिंह रावत, जितेंद्र सिंह रावत, मनोज सिंह बिष्ट, अनिल सिंह बिष्ट, दिलीप सिंह, मेहरबान सिंह, गजेंद्र सिंह रावत, रीना देवी, सत्येंद्र सिंह गुसाईं सहित सिंचाई, लघु सिंचाई, पीएमजीएसवाई अर लोक निर्माण विभाग क अधिकारी भी मौजूद छ्यायी।
*निशीथ सकलानी*
मीडिया प्रभारी, श्री सतपाल महाराज जी, माननीय मंत्री पर्यटन, लोक निर्माण, सिंचाई, धर्मस्व एवं संस्कृति, उत्तराखंड सरकार।