मंत्री सुबोध क प्रयासों से नरेंद्रनगर मा खुलल सेंट्रल स्कूल, स्कूल निर्माण स्वीकृति बाबत केंद्रीय मंत्री तै सौंपी ज्ञापन,
मंत्री सुबोध क प्रयासों से नरेंद्रनगर मा खुलल सेंट्रल स्कूल, स्कूल निर्माण स्वीकृति बाबत केंद्रीय मंत्री तै सौंपी ज्ञापन,
ऋषिकेश। कैबिनेट मंत्री सुबोध उनियाल क प्रयासों से नरेंद्रनगर अर आसपास ग्रामीण क्षेत्रों क छात्र-छा़त्राओं तै केंद्रीय विद्यालय क बेहतरीन शिक्षा सुविधा मुहैया व्हेली। शनिवार कुणी ये बाबत उन नई दिल्ली मा केंद्रीय शिक्षा मंत्री धमेंद्र प्रधान शिष्टाचार से भेंट करी अर ज्ञापन सौंपी। जैस पर केंद्रीय मंत्री न सकारात्मक अर निर्णायक कार्यवाही हेतु आश्वासित करी। शनिवार कुणी कैबिनेट मंत्री सुबोध उनियाल न नई दिल्ली मा केंद्रीय मंत्री धर्मेन्द्र प्रधान से भेट कर केन्द्रीय मंत्रिमंडल मा महत्वपूर्ण जिम्मेदारियों बाबत बधे द्याय ।
ये दौरान द्वियू न उत्तराखंड मा आगामी विधानसभा चुनाव अर राज्य मा राजनीति हालातों पर चर्चा करी। वेक बाद कैबिनेट मंत्री न नरेंद्रनगर मा सेंट्रल स्कूल निर्माण स्वीकृति बाबत ज्ञापन केंद्रीय मंत्री तै सौंपी। ज्ञापन देकन ह कैबिनेट मंत्री न बताया कि पूर्व मा केंद्रीय सरकार तरफ बिटी नरेंद्रनगर अर कोटद्वार मा सेंट्रल स्कूल खुलन की सैद्धान्तिक रूप से सहमति बणी छेयी। बतायी कि नरेंद्रनगर तहसील मुख्यालय पर सेंट्रल स्कूल स्थापना बाबत उम पर्याप्त भूमि उपलब्ध च। ये से यकज नगरीय एवं ग्रामीण क्षेत्रों क अधिसंख्य छात्र-छात्राएं शिक्षा से लाभान्वित व्हे सकल। उन व्यापक जनहित हेतु नरेंद्रनगर मा केंद्रीय विद्यालय स्थापना बाबत स्वीकृति प्रदान कन मांग करि। जैक बाद केंद्रीय मंत्री न कैबिनेट मंत्री तै केंद्रीय विद्यालय क निर्माण बाबत उचित कार्यवाही आश्वासन द्याय।
