जिलाधिकारी क दौरा दिखयाणी लगी ग्यायी असर, इतवार दिन भी काम करद नजर एन, अधिकारी अर कर्मचारी
जिलाधिकारी क दौरा दिखयाणी लगी ग्यायी असर, इतवार दिन भी काम करद नजर एन, अधिकारी अर कर्मचारी।
देहरादून जिला अधिकारी डॉक्टर आर राजेश कुमार न ब्याळी ब्यखन बगत सड़कों पर हूँण व्हाल स्मार्ट सिटी काम जायजा ल्याई। ये दौरान जिलाधिकारी न पीडब्ल्यूडी अर होर विभागों तै जरूरी निर्देश देन, डीएम क कडू रुख बाद वेक असर आज दिखयानी लगी ग्यायी। कत्ति जगज बड़ बड़ गड्ढों बिटी पाणी हटये ग्यायी, वेक भरान करी। येक अलावा स्थानीय नागरिको तै परेशानी ना हो ये बाबत टूटी हुई सड़कों पर फौरी स्तर पर सुविधा दे दिये ग्यायी ।
बते दिवा कि देहरादून जिला अधिकारी डॉक्टर राजेश कुमार न जब बिटी देहरादून डीएम पद संभाळी पैल ही दिन बिटी उन व्यवस्थाओं पर नजर रखण शुरू करी द्याय । डीएम बणद ही पैल दिन दून अस्पताल औचक निरीक्षण करी कन कमियूँ तै सुधरण की कोशिश करी। एक टीम वर्क करीं कन जिलाधिकारी न दून अस्पताल सभी चिकित्सा अधिकारियों तै अर सीएमओ तै निर्देश देन की आवश्यकता पड़न पर दिन-रात कै बगत उक दरवज खटखटे सकदन ।
कलेक्टर न ब्वाल कि डीएम ड्यूटी क्वी बगत नि हूंद जिलाधिकारी ड्यूटी 24 घंटा हूंद, क्वी भी पदाधिकारी जिलाधिकारी क फोन माध्यम से या सीध मिलीकन अपरी समस्या अर समाधान रख सकद।
ये क्रम मा जिलाधिकारी न दूसर दिन जिला आपदा केंद्र अर तीसर दिन मलिन बस्तियों औचक निरीक्षण करी अर फिर अगल दिन स्मार्ट सिटी क काम क भी जायजा ल्याई, जिलाधिकारी देहरादून ताबड़तोड़ औचक निरीक्षण से जिला मुख्यालय देहरादून क अधिकारियो मा हड़कंप हुयू कलेक्टर ये जगरूकता से अधिकारी सड़क पर उतरी कन काम कना छन और ये से आम नागरिकौ तै काफी सुविधा मिलनी ।
