बड़ी खबर: प्रदेशवासी मोमबत्ती, टॉर्च अर मोबाइल चार्ज कर ल्याव इंतजाम, बिजली कर्मियों की जनता से या च अपील
बड़ी खबर: प्रदेशवासी मोमबत्ती, टॉर्च अर मोबाइल चार्ज कर ल्याव इंतजाम, बिजली कर्मियों की जनता से या च अपील।
उत्तराखंड: प्रदेश मा कुछ दिन अंधेरू मा रात कटण पडली , क्या फिर लैम्प टॉर्च सार पर प्रदेश वासियूँ तै रण पड़ल। बिना क्वी सुविधा दगड़ी न टीवी न मोबाइल। इन ह्वे सकदू अगर उत्तराखंड विद्युत अधिकारी कर्मचारी संयुक्त मोर्चा अगर हड़ताल पर चली ग्यायी त। आप सब्यूँ तै बते दिवा कि उत्तराखंड विद्युत अधिकारी कर्मचारी संयुक्त मोर्चा न 26 जुलाई बिटी द्वी दिवसीय धरना प्रदर्शन कन क ऐलान करयूं। ये दगड़ी ही कर्मचारी संयुक्त मोर्चा न प्रदेश की जनता से एक अपील भी करि कि जैमा कर्मचारियों न कत्ति जगहों पर एक पोस्टर लगयूं। उत्तराखंड विद्युत अधिकारी कर्मचारी संयुक्त मोर्चा न पुरानी पेंशन व्यवस्था की बहाली ,ग्रेडपे एसीपी, संविदा कर्मचारियों की स्थाई नियुक्ति जणी मांगों तै लेकन दो दिन क कार्यबहिष्कार क ऐलान करी।।
जगह जगह लगया छन पोस्टर..
ये कार्यबहिष्कार बाबत कई जगहों पर पोस्टर भी चस्पा कर्या छन जैमा प्रदेश की जनता बाबत रैबार लिखयूँ कि “उत्तराखंड विद्युत अधिकारी एव कर्मचारी संयुक्त मोर्चा द्वारा 26-27 जुलाई 2021 अधा रात 12:00 बजे बिटी हूँण व्हाल हड़ताल क मद्देनजर संयुक्त मोर्चा आपसे निवेदन करद है कि आप सब्बि लोग अपर अपर स्तर से उचित व्यवस्था करो। जन कि मोबाइल फोन की चार्जिंग, टॉर्च इत्यादि की व्यवस्था कन सुनिश्चित करो। ताकि विद्युत व्यवस्था बाधित हूँण स्थिति मा कै भी अप्रिय घटना सामना नि कन पड़ल आप सब्बि सम्मानित जनता से यी भी निवेदन च कि विद्युत अधिकारी कर्मचारी संयुक्त संघर्ष मोर्चा हड़ताल नि कन चांद परंतु मोर्चा अपर उचित अर पूर्व से मिल रही व्यवस्थाओं तै हटाण पर हड़ताल कुणी बाध्य च। अतः आप सभी से निवेदन च कि टॉर्च एवं कैंडल्स क व्यवस्था कन सुनिश्चित करो।
उत्तराखंड पावर जूनियर इंजीनियर एसोसिएशन क सचिव संदीप शर्मा क बुलन च कि प्रदेश क कोने-कोने से कर्मचारी ये धरना प्रदर्शन मा शामिल ह्वाल अर ऊर्जा भवन तक जुलूस निकाळल। उक बुलन च कि अगर सरकार न उकी 14 सूत्रीय मांगों पर जल्द फैसला नि कर त कर्मचारी 27 जुलाई बिटी हड़ताल पर चल जाल। फिलहाल इन मा दिखण व्हाल कि कर्मचारियों की मांग तै लेकन सरकार क्या फैसला करद? अगर कर्मचारी हड़ताल पर जदन त ये से विद्युत उत्पादन, सप्लाई अर होर कामों पर बड़ू असर पड़ सकद। अगर इन हूंद त प्रदेश वासियों तै काफी दिक्कतों क सामना कन पड़ सकद।
