यूजीसी गाइडलाइन क तहत एक अक्टूबर बिटी शुरू व्हाल नै शैक्षणिक सत्र
उत्तराखंड मा उच्च शिक्षण संस्थानों मा पैल सितम्बर बिटी प्रवेश प्रक्रिया शुरू
यूजीसी गाइडलाइन क तहत एक अक्टूबर बिटी शुरू व्हाल नै शैक्षणिक सत्र।
विश्वविद्यालयों तै 30 अक्टूबर तक जारी कन व्हाल सभी परीक्षा परिणाम
नई शिक्षा नीति लागू कना बाबत होम वर्क शुरू कन निर्देश
देहरादून । आज सचिवालय स्थित वीर चन्द्र सिंह गढ़वाली सभागार मा आयोजित राजकीय अर निजी विश्वविद्यालयों कि बैठक मा कत्तिअहम फैसले लिए गीन।
■बैठक मा निर्णय लिये ग्यायी कि राज्य सब्बि उच्च शिक्षण संस्थानों मा पैल साल पैल सेमेस्टर प्रवेश पैली सितम्बर बिटी शुरू कर दिये जाल।
■जबकि यूजीसी गाइडलाइन क पालन करी कन एक अक्टूबर बिटी नै शिक्षण सत्र शुरू कन व्हाल। ये क्रम मा सब्बि राजकीय विश्वविद्यालयों तै 30 अक्टूबर तकन समस्त परीक्षा परिणाम घोषित कन निर्देश दिये गीन।
■कोविड नियमों पालन करी कन मेडिकल, पैरामेडिकल एवं नर्सिंग कालेजों तै अगस्त मैना मा खुलन मांग पर अनुमति प्रदान कन निर्णय लिये ग्यायी।
■बैठक मा राज्य मा नई शिक्षा नीति लागू कन उद्देश्य से गठित टास्क फोर्स तै अजो बिटी होम वर्क शुरू कन निर्देश दिये गीन।
■राज्य सब्बि विश्वविद्यालयों मा एनसीसी,एनएसएस अर रेडक्रास सोसाइटी की ईकाइ स्थापित कन बाबत कुलपतियों तै निर्देशित करे ग्यायी।
■ येक अलावा विश्वविद्यालयूँ मा जागरूता अभियान क अंतर्गत घटद लिंगानुपात पर सेमिनार आयोजित कन नमामि गंगे परियोजना तहत 3-डी पेंटिंग बाबत नोडल अधिकारी नियुक्त कन, जल जीवन मिशन तहत विज्ञान प्रयोगशाला प्रस्ताव भिजण निर्देश कुलपतियों तै देन।
■ब्लॉक स्तर पर सार्वजनिक पुस्तकालय खुलना बाबत नेशनल लाइब्रेरी कोलकता क सहयोग से सेमीनार आयोजित कन खातिर विश्वविद्यालयों कुणी बुले ग्यायी। कोविड-19 गाइडलाइन क अंतर्गत अक्टूबर मैना मा सब्बि राजकीय अर निजी विश्वविद्यालयों तै दीक्षांत समारोह आयोजित कन निर्देश दिये गीन।
बैठक मा सचिव उच्च शिक्षा दीपेन्द्र चौधरी, कुलपति प्रो. ओ.पी.एस. नेगी, डा. पी.पी.घ्यानी, प्रो. एन.के. जोशी, प्रो. एन.एस. भण्डारी, प्रो. सुरेखा डंगवाल, निदेशक उच्च शिक्षा प्रो. कुमकुम रौतेला, अपर सचिव एम.एम. सेमवाल, सलाहकार रूसा प्रो. एम.एस.एम रावत, प्रो. के.डी. पुरोहित, निजी विवि के कुलपति डा. विजय धस्माना, प्रो. संजय जसोला, प्रो. नरेन्द्र शर्मा, प्रो. शरद पाण्डे, डा. राजेश मिश्रा, प्रो. आर.के. सिंह, प्रो. जे.पी. पचौरी, डा. महावीर अग्रवाल, अमित डैन, रजिस्ट्रार डा. महावीर सिंह रावत, डा. एम.एस. मद्रवाल समैत अन्य विभागीय अधिकारी उपस्थित रैन।
