विधायक ऋतु खण्डूड़ी भूषण न ठंठोली सड़क लोकार्पण करी
विधायक ऋतु खण्डूड़ी भूषण न ठंठोली सड़क लोकार्पण करी।
द्वारीखाल :-यमकेश्वर विधानसभा द्वारीखाल विकासखंड मा यमकेश्वर विधायक ऋतु खण्डूड़ी भूषण न ठंठोली सड़क लोकार्पण करी । ये मौका पर गांव रैवासीयू न विधायक फूलमालाओं से स्वागत करी ।
कार्यक्रम मा विधायक न जनता तै सम्बोधित करी कन केंद्रीय व राज्य योजनाओं से अवगत करायी। विधायक ऋतु खंडूरी न ब्वाल कि जल्द ही होर गांव तै भी सड़क से जुड़े जाल। मुख्यमंत्री व प्रधानमंत्री क पूर्ण सहयोग से ही क्षेत्र मा विकास काम हूँणा छन।क्षेत्रीय जनता न विधायक क धन्यवाद ज्ञापित करि क्षेत्र मा हूँण व्हाल विकास कार्यों की सराहना करी।
विधायक प्रतिनिधि गौरव सुयाल न बतायी कि 3 किलोमीटर सड़क निर्माण 158.85 लाख लागत से करे जाल। सड़क बणन से ठंठोली रनेथ, बाडियूँ क लगभग 100 परिवारों तै लाभ मिलल। सड़क निर्माण से शिक्षा रोजगार यातायत कृषि क्षेत्र मा भौत फायदा मिलल। कार्यक्रम मा मण्डल महामंत्री नरेश नैथानी ,सुखपाल नेगी, रूपचंद जखमोला,उपस्थित रैन। आयोजित कार्यक्रम मा विधायक न जनसमस्या भी सुणीन। जाखणीखालआ ठंठोली न्यायपंचायत क बूथ कार्यकर्ताओं से मुलाकात करी विकास कार्यों की समीक्षा करी। विधायक न न्यायपंचायत स्तर मा आयोजित वैक्सीनेशन सेन्टर निरीक्षण करी।
