आप आणा छां गढ़वाली फिल्म पितृकुड़ा देखणू
ऋषिकेश में एक मार्च से लगणी च फिल्म
तीर्थ चेतना न्यूज
ऋषिकेश। पहाड़ के बेहद भावनात्मक विषय पर बणी फिल्म पितृकुड़ा एक मार्च से तीर्थनगरी ऋषिकेश का सिनेमाघर में लगणी च।
गुरूवार कू तै ऋषिकेश प्रेस क्लब मा गढ़वाली फिल्म पितृकुड़ा का निर्माता/निर्देश प्रदीप भंडारी फिल्म का बारा में मीडिया से बातचीत कै। उन फिल्म की पटकथा के बारा विस्तार से जानकारी दी। बतै कि फिल्म पितृकुड़ा सामाजिक तानाबाना पर बणी च।
निर्माता/निर्देशक भंडारी न बतै कि यीं फिल्म का माध्यम से युवा पीढ़ी और खासकर शहरू मा रच बसगेन लोगू तैं पर्वतीय संस्कृति विशिष्टताओं की झलक दिखणू और समझणू कू मौका मिललू।
उन बतै कि राज्य का पर्वतीय क्षेत्रू से हवे पलायन कि क्वी ढंकी छिपी बात नी रैगी। पलायन से कई रीति-रिवाज का साथ परंपरा दफन होण लगेन। पितृकुड़ा भी एक परंपरा और संस्कृति कू हिस्सा च। यू पितृ कू तै देव तुल्य मनना की परंपरा मनना वाली भूमि च।
उन बतै फिल्म की विषय वस्तु की लब्ध प्रतिष्ठित लोगू सराहना मिलनी च। उन बतैर एक मार्च से ऋषिकेश कस सिनेमाघर पर फिल्म लगणी च। उन लोगू से अपील कै की उ जरूर सामाजिक और संस्कृति की प्रतिनिधि फिल्म तै जरूर देखणु आवन। ताकि नौनिहाल पर्वतीय संस्कृति और परंपरा का बारा जाणोन।
ये मौका पर निर्माता निर्देशन प्रदीप भंडारी, पदम गुसाईं, बृजेश भटट, विजय भारती, जितेंद्र भटट, जगदीश कंडवाल आदि मौजूद थे।