खुशखबरी, देवभूमि उत्तराखंड मा यूँ बहादुर महिलाओं तै मिलल तीलू रौतेली सम्मान, दगड़ मा 22 आंगनबाड़ी कार्यकर्ता व्हेली सम्मानित.. द्याखो पूरी लिस्ट

खुशखबरी, देवभूमि उत्तराखंड मा यूँ बहादुर महिलाओं तै मिलल तीलू रौतेली सम्मान, दगड़ मा 22 आंगनबाड़ी कार्यकर्ता व्हेली सम्मानित.. द्याखो पूरी लिस्ट।

उत्तराखंड स्त्री शक्ति, तीलू रौतेली पुरस्कार बाबत महिला सशक्तिकरण अर बाल विकास विभाग समणी प्रदेशभर से अया आवेदनों मनन 22 वीरांगनाओं चयन व्हे ग्यायी। आठ अगस्त कुणी तीलू रौतेली पुरस्कार दिये जाल। येक अलावा प्रदेश सब्बि जिलों से चयनित 22 आंगनबाड़ी कार्यकर्ताओं तै भी सम्मानित करे जाली।

महिला सशक्तीकरण अर बाल विकास विभाग अंतर्गत राज्य स्त्री शक्ति तीलू रौतेली पुरस्कार उत्तराखंड की वीरांगना तीलू रौतेली नाम पर दिए जांद। ये मा महिलाओं अर किशोरियों द्वारा सामाजिक, शिक्षा, साहित्य, कला, संस्कृति अर साहस समेंत विभिन्न क्षेत्रों मा उत्कृष्ट काम कन व्हॉली ये पुरस्कार कुणी आवेदन कर सकदन। यी बार कोरोना योद्धा रूप मा काम कन व्हाळी वीरांगनाओं तै भी पुरस्कार कुणी नामांकित करे ग्यायी।

प्रदेशभर भर बिटी पुरस्कार कुणी आवेदन अया छन। पुरस्कारों क चयनित वीरांगनाओं की सूची तैयार व्हे ग्यायी। तीलू रौतेला पुरस्कार कुणी 95 आवदेन मिळी छ्यायी। समिति तरफ बिटी यूँ मनन 22 नाम फाइनल करे गीन । आंगनबाड़ी कार्यकर्ता पुरस्कार कुणी 69 प्रविष्टियां मिली छेयी। यूँ मनन भी 22 नाम पर अंतिम मुहर लगी। यी बार कोरोना योद्धा तौर पर काम कन व्हाळी आंगनबाड़ी कार्यकर्ताओं तै भी सम्मानित कर्याणा च।