राजीव गांधी खेल रत्न पुरस्कार नाम हॉकी जादूगर मेजर ध्यानचंद नाम पर व्हाई, पीएम मोदी न करी घोषणा
राजीव गांधी खेल रत्न पुरस्कार नाम हॉकी जादूगर मेजर ध्यानचंद के नाम पर व्हाई, पीएम मोदी न करी घोषणा।
नई दिल्ली । भारत मा खेल क्षेत्र मा दिया जाण व्हाल सबसे बडू सम्मान राजीव गांधी खेल रत्न पुरस्कार नाम अब हॉकी जादूगर मेजर ध्यानचंद नाम पर कर दिये ग्यायी। यी बात की जानकारी खुद प्रधानमंत्री नरेंद्र मोदी न ट्वीट करी कन द्याय। पीएम मोदी न ब्वाल कि लोगू भावनाओं तै देखि कन इस अवार्ड नाम अब मेजर ध्यानचंद नाम पर कर्याणा च।
पीएम मोदी न क्या ट्वीट करी?
पीएम मोदी न ब्वाल ”देश तै गर्वित कन व्हाल पलों बीच अनेक देशवासियूँ क यी आग्रह भी समनी आयी कि खेल रत्न पुरस्कार नाम मेजर ध्यानचंद जी तै समर्पित करे जाव। लोगू की भावनाओं तै देखी कन येक नाम अब मेजर ध्यानचंद खेल रत्न पुरस्कार करयाणा च । जय हिंद”
ओलंपिक्स मा हॉकी खिलाड़ियूँ प्रदर्शन आण व्हाळी पीढ़ियों कुणी भौत बड़ी प्रेरणा- मोदी
एक होर ट्वीट मा पीएम मोदी न ब्वाल, ”ओलंपिक खेलों मा भारतीय खिलाड़ियों क शानदार प्रयासों से हम सभी अभिभूत छवा। विशेषकर हॉकी मा हमर बेटे-बेटियों न जू इच्छाशक्ति दिखाई । जीत प्रति ज्वा ललक दिखाई , वा वर्तमान अर आण व्हाळी पीढ़ियों कुणी भौत बड़ी प्रेरणा च।”
खेल रत्न इतिहास
ये अवार्ड तै 1991-92 मा शुरू करे गे छ्यायी। तब येक नाम देश पूर्व प्रधानमंत्री राजीव गांधी क नाम पर रखे गे छ्यायी । ये अवार्ड स्थापना मुख्य उद्देश्य खेल क्षेत्र मा सराहना अर जागरूकता फैलाण च ये दगड़ी खिलाड़ियों तै सम्मानित करि उकी प्रतिष्ठा बढ़ाण च , ताकि उ समाज मा अर ज्यादा सम्मान प्राप्त कर सको।
भारत सर्वोच्च खेल सम्मान खेल रत्न पुरस्कार नाम राजीव गांधी खेल रत्न क जगह मेजर ध्यानचंद खेल रत्न रखण क फैसले खेल जगत न स्वागत करी। ध्यानचंद तै महानतम हॉकी खिलाड़ी मने जांद । हॉकी ये जादूगर न अपर 1926 से 1949 तक करियर दौरान 1928, 1932 अर 1936 मा ओलंपिक शीर्ष खिताब हासिल करी। उकी जयंती क उपलक्ष्य मा 29 अगस्त तै देश राष्ट्रीय खेल दिवस भी मनए जांद।
