जीजीआईसी ऋषिकेश मा लोक संस्कृति दिवस की धूम
उत्तराखंड का गांधी स्व. इंद्रमणि बडोनी तै याद कै
तीर्थ चेतना न्यूज
ऋषिकेश। उत्तराखंड का गांधी स्व. इंद्रमणि बडोनी कू जन्म दिन राज्य भर मा लोक संस्कृति दिवस के रूप में मनाए गी। राजकीय बालिका इंटर कॉलेज, ऋषिकेश मा ये मौका पर लोक संस्कृति पर आधारित नाना कार्यक्रम कू आयोजन हवे।
राज्य भर मा उत्तराखंड का गांधी स्व. इंद्रमणि बडोनी की जयंती लोक संस्कृति दिवस का रूप मा मनाए गी। स्कूलू मा विशेष कार्यक्रम आयोजित किए गेन। राजकीय बालिका इंटर कालेज, ऋषिकेश मा प्रिंसिपल दीना राणा न स्व. बडोनी के चित्र पर माल्यार्पण कर कार्यक्रम की शुरूआत कै। उन स्व. बडोनी का जीवन पर प्रकाश डाली।
ये मौके पर प्रिंसिपल दीना राणा बोली कि वास्तव मा लोक संस्कृति दिखावा कू तत्व नी च। यू जीवन जीण को तौर तरीका च। आज यीं बात की जरूरत च कि अपणू बोलण-चलण, खाण-पेण और पहनावा तक अपनावां ताकि नई पीढ़ी भी जाण सकू कि हमरा पुरखों न क्या संघर्ष करी। क्या स्थिति और क्या परिस्थिति तब का समय मा छै और अब क्या च। यूं सब बातू की जानकारी संस्कृति से ही मिल सकदी।
प्रिंसिपल दीना राणा न नौनिहालू कू आहवान कै कि संस्कृति का संरक्षण का साथ ही सवंर्द्धन का वास्ता काम करोन। ये मौका पर स्कूल में पहाड़ी लोक में रचया बस्यां व्यंजन भी परोसे गेन।
कार्यक्रम में स्कूली की एनएसएस की स्वयं सेवियों ने कार्यक्रम अधिकारी निर्मला रावत का निर्देशन में शिरकत करी। ये मौका पर स्कूल की सभी शिक्षिकाएं मौजूद रैन। कार्यक्रम कू संचालन संगीत की शिक्षिका उमा पाटनी न करी।