सीएम धामी न देन अधिकारियों-कर्मचारियों 24 घंटा मोबाइल ऑन रखण क निर्देश, यूँ नंबरों पर करो फोन
सीएम धामी न देन अधिकारियों-कर्मचारियों 24 घंटा मोबाइल ऑन रखण क निर्देश, यूँ नंबरों पर करो फोन
देहरादून । मुख्यमंत्री पुष्कर सिंह धामी न प्रदेश विभिन्न स्थानों पर हूँण व्हाल अतिवृष्टि तै देखी कन सब्बि जिलाधिकारियों तै सतर्क रैण निर्देश देन। ये दगड़ी संबंधित विभागों क अधिकारी-कर्मचारियों तै अपर मोबाइल फोन 24 घंटा खोली कन रखण कुणी बुल्यू , ताकि आपदा की स्थिति मा त्वरित कार्यवाही करे जै सक्याव।
मौसम विज्ञान विभाग न उत्तरकाशी, देहरादून अर हरिद्वार जनपद मा कखि कखि भारी बरखा आशंका व्यक्त करि। इन मा यूँ क्षेत्रों मा रैवास कन व्हाल लोगू तै सतर्क कन दगड़ी ही जरूरी संसाधन जुटाण कुणी बुले ग्यायी। जिलाधिकारियों कुणी ब्वाल कि कै भी आपदा या दुर्घटना स्थिति मा अधिकारी स्वयं मौके पर जैकन स्थिति तै संभालो अर सूचनाओं तत्काल आदान-प्रदान करो। येक अलावा आपदा प्रबंधन आईआरएस प्रणाली तहत कार्यरत सब्बि अधिकारी अर विभागीय नोडल अधिकारी हाई अलर्ट पर रैल।
नेशनल हाईवे, लोनिवि, पीएमजीएसवाई, बीआरओ, सीपीडब्ल्यूडी आदि विभागों तै कै मोटर मार्ग क बाधित हूँण की दशा मा वे तै तत्काल खुलवाण क आदेश दियेन। येक अलावा राजस्व उपनिरीक्षक, ग्राम विकास अधिकारी, ग्राम पंचायत अधिकारियों तै अपने क्षेत्रों मा रैवास कन आदेश जारी करे गीन हैं। पुलिस तो आपदा संबंधी उपकरण अ वायरलैस दगड़ी हाई अलर्ट पर रैण कुणी बुले ग्यायी।
जिलाधिकारियूँ कुणी आपदा की स्थिति मा खाद्य सामग्री अर मेडिकल क व्यवस्था भी सुनिश्चित कना खातिर बुले ग्याय।
आपदा क स्थिति मा यूँ नंबरों पर कर सक्दो फोन ।
ये बाबत बुले ग्यायी कि समस्त संबंधित अधिकारी कै भी प्रकार आपदा की सूचना राज्य आपदा नियंत्रण कक्ष क फोन नंबरों 0135-2710334, फैक्स नंबर 0135-2710335, टोल फ्री नंबर 1070, 9557444486 पर तत्काल सूचना द्याल। ये दगड़ी ही पीड़ित या अन्य क्वी भी व्यक्ति यूँ नंबरों पर फोन करी कन क्वी भी दुर्घटना सूचना दे सकदन ।
