उच्च शिक्षा मंत्री धन सिंह रावत न करी श्रीनगर, अल्मोड़ा मा यूपीएससी परीक्षा केन्द्र खुलण स्वागत, ब्वाल पहाड़ बच्चों तै यूपीएससी की परीक्षाएं दीण मा व्हेली आसानी
उच्च शिक्षा मंत्री धन सिंह रावत न करी श्रीनगर, अल्मोड़ा मा यूपीएससी परीक्षा केन्द्र खुलण स्वागत, ब्वाल पहाड़ बच्चों तै यूपीएससी की परीक्षाएं दीण मा व्हेली आसानी
देहरादून । सूबे क उच्च शिक्षा मंत्री डा. धन सिंह रावत न संघ लोक सेवा आयोग (यूपीएससी) द्वारा श्रीनगर गढ़वाल अर अल्मोड मा नै परीक्षा केन्द्र खुलन जाण तै लेकन खुशी जताई। ये बाबत उन प्रधानमंत्री नरेन्द्र मोदी, गृह मंत्री अमित शाह अर यूपीएससी चेयरमैन डा. प्रदीप कुमार जोशी क आभार व्यक्त करी। डा. रावत न ब्वाल कि उत्तराखंड की विषम भौगोलिक परिस्थिति अर आर्थिक स्थिति चलद प्रदेश कत्ति युवा परीक्षा दीण खातिर देहरादून अर दिल्ली जै सकद जैसे उ यूपीएससी क परीक्षा दीण से वंचित रै जांद छ्यायी । लेकिन श्रीनगर अल्मोड़ा मा परीक्षा केन्द्र खुल जाण से पहाड़ क कत्ति युवाओं तै अब यूपीएससी क परीक्षा दीण मा आसानी व्हे जाली।
उच्च शिक्षा मंत्री डा. धन सिंह रावत न बतायी कि उत्तराखंड मा यूपीएससी क परीक्षाओं क आयोजन बाबत देहरादून ही एक मात्र केन्द्र च जबकि राज्य क हजारां युवा यूपीएससी विभिन्न परीक्षाओं मा प्रतिभाग करदन। उन बतायी कि राज्य की विषम भौगोलिक परिस्थितियां कत्ति युवाओं तै यूपीएससी की परीक्षाओं से वंचित कर दींद छ्यायी। जबकि भौत होनहार युवा आर्थिक स्थिति क अभाव मा देहरादून या दिल्ली नि जै सकद छ्यायी । डा. रावत न ब्वाल कि भारत सरकार द्वारा लिया निर्णय से पहाड़ क युवाओं तै यूपीएससी परीक्षाएं दींण मा आसानी व्हैली। उन भारत सरकार ये निर्णय खातिर प्रधानमंत्री नरेन्द्र मोदी, गृह मंत्री अमित शाह अर यूपीएससी चेयरमैन डा. प्रदीप कुमार जोशी क आभार व्यक्त करी।
