उत्तराखंड सरकार न 27 जुलाई तक बढ़ायी कोविड कर्फ्यू, 50 प्रतिशत क्षमता दगड़ी खुलल सिनेमा हॉल, पढो पूरी ख़बर विस्तार से यख
उत्तराखंड सरकार न 27 जुलाई तक बढ़ायी कोविड कर्फ्यू, 50 प्रतिशत क्षमता दगड़ी खुलल सिनेमा हॉल, पढो पूरी ख़बर विस्तार से यख।
देहरादून । उत्तराखंड मा कोरोना मामला कम हूँण बावजूद सरकार बहुत ज्यादा ढीले दीण मूड मा नि च। सरकार न 27 जुलाई तकन कोरोना कर्फ्यू बढे याल । ये बाबत आपदा प्रबंधन विभाग आज सोमवार कुणी एसओपी जारी कर याल।
नई एसओपी मुताबिक मैदानी क्षेत्रों बिटी पर्वतीय जनपदो मा जाण खातिर कोविड-19 की अनिवार्यता समाप्त कर दिये ग्यायी। अब सुबेर 8:00 बजे से रात 9:00 बजे तक बाजार खुलल। 50 प्रतिशत क्षमता क दगड़ सिनेमा हॉल अर वाटर पार्क खुळण की अनुमति भी दिए ग्यायी ।
हवाई मार्ग से आण व्हाल यात्रियों तै वैक्सीन की द्वी डोज़ लग चुकी गीन, उते भी आण की अनुमति दीये ग्यायी। लेकिन वखि भैर राज्यों से आण व्हाल लोगू कुणी आरटीपीसीआर जांच क अनिवार्यता यथावत रैली।
विवाह समारोह अर शवयात्रा मा 50 लोगू तै ही शामिल हूँण की अनुमति रैल। जबकि सब्बि शिक्षण, प्रशिक्षण संस्थान फिलहाल बंद ही राल। ऑनलाइन कक्षाओं या डिस्टेंस लर्निंग क अनुमति व्हेली। कोचिंग संस्थान फिलहाल 50 प्रतिशत क्षमता दगड़ी चलल। सामाजिक, राजनीतिक, मनोरंजन, शैक्षिक, सांस्कृतिक गतिविधियां फिलहाल बंद रैली। सभी जिम 50 प्रतिशत क्षमता दगड़ी खुलल।