पवनदीप राजन तै विनर बणाण कुणी वोट अपील ,, फिर नै रेकार्ड बणाण मुकाम पर मशहूर सिंगर पवनदीप राजन
पवनदीप राजन तै विनर बणाण कुणी वोट अपील ,, फिर नै रेकार्ड बणाण मुकाम पर मशहूर सिंगर पवनदीप राजन।
मुंबई. उत्तराखंड चंपावत जिला रैवासी मशहूर सिंगर पवनदीप राजन (Pawandeep Rajan) एक बार फिर नै रेकार्ड बणाण क मुकाम पर च. लोक गायिका कबूतरी देवी क नाती पवनदीप राजन अपर सुर अर ताल जलबे से गीत संगीत की दुन्या मा उत्तराखंड नाम रौशन कना छन.
2015 मा रियलिटी शो ‘द वॉइस इंडिया सीजन 1’ (The Voice India) खिताब अपर नाम कन व्हाल पवनदीप राजन अब इंडियन आइडल 12 (Indian Idol 12) खिताब से एक कदम दूर छन। पवनदीप राजन इंडियन आइडल 12 क टाप मा पहुची गीन, अब फाइनल का खिताब दिलाण कुणी मुंबई की तमाम उत्तराखंडी संस्थाओं अर सामाजिक कार्यकर्ताओं न पवनदीप राजन तै बड़ी संख्या मा वोट कन की अपील करी.
मुंबई बिटी कौथिग फाउंडेशन क कार्यकारी अध्यक्ष सुशील कुमार जोशी, उत्तराखंड खोज नायक जगजीवन कन्याल समेत तमाम उत्तराखंडियूँ न सोनी टीवी पर प्रसारित हूँण व्हाल रियरिटी शो इंडियन आइडल 12 मा पवन राजन तै विजय बणाण खातिर सभी उत्तराखंडियों से वोट क अपील करी।
2 साल उम्र बिटी संगीत अनेक यंत्रों पर हाथ अजमाण व्हाल पवनदीप राजन (Pawandeep Rajan) उम्दा गायिकी दगड़ी ही हर संगीत यंत्र बजाण मा कुणी जणे जदिन अर अब तक 1200 लाइव शोज कर चूकीन.
‘इंडियन आइडल 12’ (Indian Idol 12) 15 अगस्त तै खत्म हूँणा ये दिन विनर नाम से भी पर्दा उठल, जैमा पवन राजन हाथ मा फाइनल खिताब दिखणा कुणी हर उत्तराखंडी बेसब्री से इंतजार कना।
