यमकेश्वर विधायक रितु खंडूरी भूषण न यमकेश्वर विधानसभा क्षेत्र पौखाल मा पोखरी बिटी सिमलना बिचला तकन मोर्टर मार्ग करी शिलान्यास
यमकेश्वर पोड़ी गढ़वाल :- यमकेश्वर विधायक रितु खंडूरी भूषण न आज यम्केश्वर विधानसभा क्षेत्र पौखाल मा पोखरी से सिमलना बिचला तकन मोर्टर मार्ग क शिलान्यासL करी। ये मोर्टर मोर्टर मार्ग बणन से भविष्य मा काफी गांव तै फायदा व्हाल अर यातायात सुविधा व्हेली।
ये मौका पर यंमकेश्वर विधायक रितु खंडूरी भूषण न यी सड़क शिलान्यास कन पर खुशी प्रकट करि अर ब्वाल कि यी सड़क क निर्माण से यातायात सुविधा व्हैली व्यापार अर आर्थिक क्षेत्र मा भी यी सड़क भौत ही महत्वपूर्ण योगदान व्हाल। उन सब्बि क्षेत्रवासियों तै यी सड़क निर्माण क भौत भौत बधे द्याय अर ब्वाल कि या सड़क जल्द बणीकन तैयार व्हैली ये दगड़ी बहुत जल्दी सड़क क लोकार्पण पर भी यख उपस्थित व्हेली। ये दगड़ी यमकेश्वर विधायक रितु भूषण खंडूड़ी न केंद्र अर राज्य सरकार की योजनाओं बाबत ग्रामीणों तै जानकारी द्याय अर ब्वाल की उकी सरकार समाज क आखिर व्यक्ति क विकास बाबत प्रतिबद्ध च।
विधायक मीडिया प्रभारी अल्केश कुकरेती न बतायी कि यम्केश्वर विधानसभा क पोखरी बिटी सिमलना बिचला तक मोटर मार्ग क निर्माण कार्य राज्य योजना अंतर्गत लोकनिर्माण विभाग दुगड्डा द्वारा करयाणा च , जैकी कुल दूरी 5 किलोमीटर च अर एकी कुल स्वीकृत लागत 99.72 लाख च।
ये मौका पर रैवासीयू न यम्केश्वर विधायक क फूल मालाओं से स्वागत करी अर सड़क निर्माण खातिर विधायक धन्यवाद ज्ञापित करी।
ये मौका पर भाजपा मंडल अध्यक्ष पौखाल विपिन चंदोला, भाजपा महामंत्री बिजेंद्र बिष्ठ, संजय रावत,चंडी प्रसाद कुकरेती, मातवर सिंह बिष्ठ,सिमलना प्रधान सुमन देवी, महिला मोर्चा अध्यक्ष पुष्पा देवी, ताजबर सिंह, शीतल भट्ट, होशियार सिंह, कुतुबुदीन, रमेश गौड़ अश्वनी गुप्ता समेत काफी ग्रामीण मौजूद छ्यायी।