पर्यटकों तै बड़ी राहत :- वैक्सीन क द्वी खुराक लीण व्हाल बिना कोरोना जांच कर सकल उत्तराखंड मा प्रवेश
![पर्यटकों तै बड़ी राहत :- वैक्सीन क द्वी खुराक लीण व्हाल बिना कोरोना जांच कर सकल उत्तराखंड मा प्रवेश](https://tirthchetna.com/wp-content/uploads/2021/07/IMG-20210720-WA0017.jpg)
पर्यटकों तै बड़ी राहत :- वैक्सीन क द्वी खुराक लीण व्हाल बिना कोरोना जांच क कर सकल उत्तराखंड मा प्रवेश
मैदानी क्षेत्रों बिटी पहाड़ी जिलों मा जाने खातिर कोरोना क नेगेटिव रिपोर्ट क अनिवार्य तै करी खत्म
देहरादून । कोरोना क वजह से पोरू साल बिटी पटरी बिटी उतरयू पर्यटन सै सै करी कन मुंड उठाण लगी ग्यायी। । कोरोना क तेजी से कम हूँण से सरकार भी कोरोना गाइडलाइन पर केंद्रीत पर्यटन गतिविधियूँ तै रफ्तार दीण काम कनि च। जैसे पर्यटन उद्योग तै बढ़ावा मिलण दगड़ी नुकसान से बचये जै सक्याव । राज्य सरकार बिटी सोमवार कुणी जारी एसओपी अनुसार द्वी टीका लगवाण ह्वाल दूसर राज्यों क पर्यटक देहरादून स्मार्ट सिटी क पोर्टल पर पंजीकरण कर्या बिना रोकटोक क राज्य मा प्रवेश कर सकदन। इथगा ही ना बलकन प्रदेश क मैदान क्षेत्रों से पहाड़ी जिलों मा जाण कुणी कोविड जांच की नेगेटिव रिपोर्ट अनिवार्यता भी खत्म कर दिए ग्यायी ।
पर्यटन उद्योग उत्तराखंड क आर्थिकी की रीड च। इन मा उत्तराखंड सरकार न कोरोना वैक्सीन की द्वी खुराक लीण व्हाल आगंतुओं तै बड़ी राहत दयायि। राज्य सरकार न इन लोगू कुणी राज्य मा प्रवेश बावत निगेटिव आरटी-पीसीआर रिपोर्ट क बाध्यता तै खत्म कर याल। कोरोना वैक्सीन की द्वी डोज लगवे चुकी च पर्यटक अब बिना कै रिपोर्ट क उत्तराखंड मा एंट्री कर सकदन । हालांकि सरकार की तरफ बिटी यी भी साफ करे ग्यायी कि सबी यात्रियों तै राज्य मा लागू करयू कोरोना प्रोटोकॉल क पालन कन अनिवार्य व्हाल। मास्क पहनण, हत्थ तै बार-बार धूंण अर सोशल डिस्टेंसिंग क नियमू पालन कन व्हाल । ये दगड़ी ही उत्तराखंड आण व्हाल अन्य आगंतुकू कुणी आरटी-पीसीआर टेस्ट की वैधता बगत 72 घंटे करे ग्यायी। पिछल कुछ दिनों बिटी उत्तराखंड मा देश क दूसरे राज्यों से आण व्हाल पर्यटकों से पर्यटन उद्योग तै मजबूती मिलण दगड़ी ही पर्यटन उद्योग से जुड़याँ लाखों कारोबारियों तै बड़ी राहत मिली।
पर्यटन सचिव श्री दिलीप जावलकर न ब्वाल की ‘‘कोविड क रोकथाम खातिर सरकार लगातार प्रयासरत च। या जंग जीतने कुणी टीकाकरण ही महत्वपूर्ण हथियार च। ज्यादा से ज्यादा लोग जब वैक्सीनेट व्हे त हर्ड इम्यूनिटी हासिल ह्वे जाली अरर फिर कोविड तै मात दिए जै सकदी । इन मा वैक्सीन की द्वी डोज ले चुकिन दूसर राज्यों क पर्यटक बिना कोरोना जांच क उत्तराखंड ऐ सकदन। पर्यटन तै बढ़ावा दीण खातिर कोरोना गाइडलाइन तै ध्यान मा रखी कन प्रदेश भर मा पर्यटन गतिविधियों तै शुरू करे ग्यायी।