कांग्रेस आलाकमान न मानी “मिशन 2022” क क़ामयाबी कुणी प्रीतम दा जरूरी, विधायक दल नेता बणेकन गुटबाजों तै सिखायी सबक

कांग्रेस आलाकमान न मानी “मिशन 2022” क क़ामयाबी कुणी प्रीतम दा जरूरी, विधायक दल नेता बणेकन गुटबाजों तै सिखायी सबक
Spread the love

कांग्रेस आलाकमान न मानी “मिशन 2022” क क़ामयाबी कुणी प्रीतम दा जरूरी, विधायक दल नेता बणेकन गुटबाजों तै सिखायी सबक।

देहरादून । उत्तराखंड मा अगल साल चुनाव तै देखी कन यख सियासी गतिविधि तेज व्हे गीन। ये क्रम मा कांग्रेस पार्टी न यख अपर विभिन्न पदाधिकारियूँ की घोषणा करी। अखिल भारतीय कांग्रेस कमेटी क महासचिव केसी वेणुगोपाल तरफ जारी बयान मुताबिक, कांग्रेस अध्यक्ष सोनिया गांधी न प्रीतम सिंह तै विधायक दल नेता नियुक्त करी जू ये से पैली प्रदेश कांग्रेस कमेटी क अध्यक्ष जिम्मेदारी निभाणा छ्यायी । गणेश गोदियाल तै प्रदेश कांग्रेस कमेटी क अध्यक्ष अर पूर्व मुख्यमंत्री हरीश रावत तै चुनाव प्रचार समिति कप्रमुख नियुक्त करे ग्यायी।

गणेश गोदियाल तै प्रदेश कांग्रेस कमेटी कमान दिए ग्यायी। कांग्रेस न गोदियाल तै अध्यक्ष बणाण दगड़ी ही जीत राम, भुवन कापड़ी, तिलक राज बेहड अर रंजीत रावत तै उत्तराखंड इकाई कार्यकारी अध्यक्ष नियुक्त करी। आर्येंद्र शर्मा तै उत्तराखंड कांग्रेस कोषाध्यक्ष बणये ग्यायी । प्रदेश कांग्रेस क वरिष्ठ नेता प्रदीप टम्टा तै चुनाव प्रचार समिति उपाध्यक्ष अर दिनेश अग्रवाल तै येक संयोजक बणये ग्यायी।

कांग्रेस क उत्तराखंड प्रभारी देवेंद्र यादव क अगुवाई मा कोर कमेटी, पूर्व प्रदेश अध्यक्ष किशोर उपाध्याय नेतृत्व मा समन्वय समिति, पूर्व मंत्री नवप्रभात क अगुवाई मा घोषणापत्र समिति, प्रकाश जोशी क अध्यक्षता मा चुनाव प्रबंधन समिति, सुमित हृद्येश की अध्यक्षता मा प्रचार समिति अर कुछ अन्य समितियां गठित करे गीन।

उत्तराखंड खातिर नई टीम गठन मा पंजाब फार्मूले इस्तेमाल करे ग्यायी। कांग्रेस न ये फार्मूले क तहत सब्बि तै खुश रखण की कोशिश करी। सूत्रों मने जाव त फार्मूला भले ही हरीश रावत रै व्हाव लेकिन नई टीम मा अधिकांश चेहरा प्रीतम सिंह की पसदं क छन। वखि प्रीतम तै विधायक दल का नेता बणे कन कांग्रेस आलाकमान न यी सन्देश दीण कोशिश करी कि बिना प्रीतम कांग्रेस खातिर मिशन 2022 असंभव च।

Amit Amoli

Leave a Reply

Your email address will not be published.