विधायक ऋतु खण्डूरी न करी सड़क उदघाटन दगड़ी मुख्यमंत्री महालक्ष्मी योजना शुभारंभ

विधायक ऋतु खण्डूरी न करी सड़क उदघाटन दगड़ी मुख्यमंत्री महालक्ष्मी योजना शुभारंभ।

द्वारीखाल। यमकेश्वर विधायक ऋतु खण्डूरी न यमकेश्वर मा सड़क बणाण पर विशेष ध्यान दीणा। द्वारीखाल विकासखंड मा यमकेश्वर विधायक न असनेत टाटरी सड़क क उद्घाटन करी 4 किलोमीटर सड़क निर्माण 97.96 लाख लागत से करे जाल । विधायक प्रतिनिधि द्वारीखाल क गौरव सुयाल न बते कि सड़क निर्माण से असनेत,टाटरी क लगभग 120 परिवारों तै लाभ मिलल। कार्यक्रम मा विधायक न जनता तै सम्बोधित करी कन केंद्रीय व राज्य योजनाओं बाबत जानकारी द्याय। क्षेत्रीय जनता न विधायक क धन्यवाद ज्ञापित करी क्षेत्र मा हूँण व्हाल विकास कार्यों क सराहना करी। कार्यक्रम मा मण्डल अध्यक्ष अर्जुन कण्डारी,रविन्द्र रावत,विक्रम बिष्ट,कल्याण सिंह,बिट्टू बिष्ट,हरदीप,संतान सिंह,कुलदीप बिष्ट,महिपाल सिंह,प्रेम सिंह उपस्थित रैन। आयोजित कार्यक्रम मा विधायक द्वारा जनसमस्या भी सुणे गीन, बूथ कार्यकर्ताओं से मुलाकात करी कन समीक्षा करी।।

वखि उन द्वारीखाल विकासखंड क चेलुसैंण मा महिला एवं बाल विकास विभाग द्वारा आयोजित मुख्यमंत्री महालक्ष्मी योजना क शुभारंभ करी। योजना अंतर्गत 12 लाभार्थियों तै योजना अंतर्गत किट वितरित करे ग्यायी। कार्यक्रम मा विधायक न घर की पहचान नौनी कु नौं अंतर्गत नौनी नाम प्लेट वितरित करिन। विधायक न आंगनबाड़ी कार्यकार्तियों तै कोरोना किट ऑक्सिमिटर, मास्क,सेनेटाइजर दिए गीन। विधायक द्वारा चेलुसैंण मा निर्माणाधीन ऑक्सिजन प्लांट क निरीक्षण भी करे ग्यायी। विधायक न कार्यदायी संस्था तै जल्दी काम कना बाबत निर्देशित करी। कार्यक्रम मा मण्डल अध्यक्ष अर्जुन कण्डारी महिला बाल विकास अधिकारी प्रीति अरोड़ा,गीता रावत,शोभा नैथानी,विनीता भंडारी,रुकमा रावत,रश्मि भंडारी,सुमा देवी उपस्थित रैन।