विधानसभा सत्र मा वैक्सीन डबल डोज लीण व्हाल माननीयों तै नि दिखाण व्हेली आरटीपीसीआर रिपोर्ट
विधानसभा सत्र मा वैक्सीन डबल डोज लीण व्हाल माननीयों तै नि दिखाण व्हेली आरटीपीसीआर रिपोर्ट
देहरादून । उत्तराखंड विधानसभा मानसून सत्र दौरान कोरोना वैक्सीन डबल डोज लगया 15 दिन समय पूर हूँण पर बिना आरटीपीसीआर टेस्ट क विधानसभा परिसर मा प्रवेश मान्य व्हाल। विधानसभा अध्यक्ष प्रेमचंद अग्रवाल न शुक्रवार कुणी या जानकारी द्याय। उन स्वास्थ्य विभाग अपर सचिव दगड़ी बैठक कन बाद या बात ब्वाल।
आगामी 23 बिटी 27 अगस्त तकन देहरादून विधानसभा भवन मा मानसून सत्र व्हाल। विपक्ष मुद्दों ति धार देकन सरकार की घेराबंदी कन मा जुट्यू।
बते दिवा कि पिछले दिनों उच्च अधिकारियूँ दगड़ी सत्र ति लेकन सुरक्षा बैठक क दौरान निर्णय ले छ्यायी कि विधानसभा परिसर मा प्रवेश कन व्हाल सब्बि सदस्यों, अधिकारियूँ अर कर्मचारियूँ आरटीपीसीआर टेस्ट निगेटिव रिपोर्ट लाण पर ही परिसर मा प्रवेश मान्य व्हाल।
बैठक मा यी बात पर भी विचार करे गे छ्यायी कि जौ लोगू तै वैक्सीन डबल डोज लग चुकीन, उते बिना आरटीपीसीआर टेस्ट परिसर मा प्रवेश दिये जाल।
जैक बाद राज्य सरकार न एक इन एसओपी जारी करि की जैमा वैक्सीन डबल डोज लगया 15 दिन पूरे हूँण पर लोगू तै बिना टेस्ट रिपोर्ट क राज्य मा प्रवेश कन की अनुमति च। वी एसओपी क पालन करी कन विधानसभा सत्र दौरान विधायकों, अधिकारियूँ कर्मचारियूँ, मीडियाकर्मियूँ अर होर आगुंतकों तै भी बिना टेस्ट रिपोर्ट परिसर मा प्रवेश कन की अनुमति दीये ग्यायी।
विधानसभा अध्यक्ष न सत्र क दौरान आण व्हाल सब्बि आगंतुकों से अनुरोध करि कि उ कोरोना वैक्सीन डबल डोज प्रमाण पत्र अवश्य लेकन अया, जैक सत्र दौरान से पैल 15 दिन पूर व्हे गे व्हाव। ब्वाल कि जौ लोगू तै डबल डोज नि लगी, उते टेस्ट की निगेटिव रिपोर्ट दिखाण आवश्यक व्हाल, तभी परिसर मा प्रवेश अनुमति प्राप्त व्हेली। जौ लोगू मा डबल डोज लगाण बावजूद भी क्वी लक्षण दिखेदन त उ ते भी आरटीपीसीआर टेस्ट निगेटिव रिपोर्ट दिखाण आवश्यक व्हैली।
