22 अगस्त कुणी जनपद देहरादून मा नि वाल कोविड टीकाकरण,23 अगस्त कुणी 1लाख लाभार्थियूँ तै टीका लगाण क लक्ष्य
22 अगस्त कुणी जनपद देहरादून मा नि वाल कोविड टीकाकरण,23 अगस्त कुणी 1लाख लाभार्थियूँ तै टीका लगाण क लक्ष्य ।
देहरादून । जनपद देहरादून मा इतवार कुणी रक्षाबंधन अवसर पर कोविड-19 टीकाकरण सत्रों आयोजन नि करे जाल।
सोमवार 23 अगस्त 2021 कुणी जनपद मा वृहद टीकाकरण अभियान आयोजन करयाणा च। अभियान उद्घाटन श्री पुष्कर सिंह धामी, माननीय मुख्यमंत्री उत्तराखंड सरकार अर डॉ धन सिंह रावत माननीय स्वास्थ्य मंत्री उत्तराखंड सरकार बिटिन राजकीय प्राथमिक विद्यालय राजीव नगर निकट रिस्पना पुल देहरादून मा प्रातः 9.30 बजे करे जाल।
ये विद्यालय मा जम्बो सेशन बणये ग्यायी, जैमा पाँच टीकाकरण सत्रों क आयोजन कर्याणा च।
23 अगस्त कुणी ये वृहद अभियान मा जनपद मा कुल 1 लाख लाभार्थियों तै टीका लगाण लक्ष्य रखे ग्यायी, जैमा 50 हज़ार लाभार्थियूँ बाबत ऑनलाइन स्लॉट क सुविधा रखे ग्यायी जबकि 50 हज़ार लाभार्थियूँ ऑन द स्पॉट सुविधा दीये ग्यायी। यानी 50 हज़ार लोगू टीकाकरण सत्र पर ही पंजीकृत करी कन टीका लगये जाल।
वृहद टीकाकरण अभियान मा 18 साल से अधिक उम्र सब्बि लाभार्थी टीका लगवा सकदन। ये दगड़ी इन भी लाभार्थी टीका लगवे सक दन जैक पैली डोज़ लगई च अर उन दूसर खुराक लगये जाण।
मुख्य चिकित्सा अधिकारी डॉ मनोज उप्रेती न ब्वाल कि दिसंबर तकन शत प्रतिशत लाभार्थियूँ टीका लगाण क लक्ष्य च, ये क्रम मा वृहद अभियान चलायाणा च। उन आम जनमानस से अपील करि कि यदि आपक परिवार मा या आस पड़ोस मा इन लोग छन जौन कोविड टीका अभी तकन नि लगये ग्यायी, त कृपया 23 अगस्त क वृहद टीकाकरण अभियान मा उते टीका अवश्य लगवाव। तभी हम स्वयं सुरक्षित रै सक्दो अर दूसरों तै भी सुरक्षित रखि सक्दो।
