उत्तराखंड क भूमि, कृषि, उत्पादन अर चकबंदी क सवालों दगड़ी उरये जाल हरेला त्यौहार

उत्तराखंड क भूमि, कृषि, उत्पादन अर चकबंदी क सवालों दगड़ी उरये जाल हरेला त्यौहार
Spread the love

धाद द्वारा आयोजित हरेला- घी संग्राद क शुभारम्भ स्मृति वन मा सुन्दरलाल बहुगुणा, लाल बहादुर वर्मा, पंकज मेहर, प्रेमलाल भट्ट, मथुरा दत्त मठपाल क निमित्त पौधरोपण दगड़ी ह्वाल।

*हिमालयी अनाजों क अभियान फंची मा 1000 परिवारों तै जुड़न क राल लक्ष्य।

सामाजिक संगठन धाद न हरेला – घी संग्रांद क वार्षिक आयोजन प्रारूप जारी करयाल. *एक माह चलण ह्वाल आयोजन मा वृक्षारोपण दगड़ी हिमालयी कृषि उत्पादन क सवालों चकबंदी, भू कानून अर भूमि बंदोबस्त पर ऑनलाइन विमर्श आयोजित व्हाल। ये दगड़ी हिमालयी उत्पादन अर वेक सवालों तै आम समाज मा प्रचारित कन क अभियान फंची चलये जाल।

हरेला-घी संग्राद नींव 2010 मा धाद कुछ साथियों न वाल्मीकि मंदिर रेसकोर्स देहरादून मा रखी छेयी। फिर हर साल अलग-अलग स्कूलों,संस्थान,मोहल्लों मा उत्तराखण्ड क संस्कृति अर प्रकृति पर्व क आयोजन बाद 2015 म ये तै उत्तराखण्ड सरकार तै एजेंडा बणाण प्रस्ताव दिये ग्यायी। तब से उत्तराखण्ड सरकार ये तै हर साल उर्याद ।

■ *हरेला तै आम समाज मा ली जाण अभियान जारी रखी कन ये साल हरेला-घी संग्रान्द क शुभारम्भ स्मृतिवन मा पर्यावरणविद सुंदरलाल बहुगुणा, सामाजिक कार्यकर्ता पंकज मेहर, प्रगतिशील लेखक लाल बहादुर वर्मा, उत्तराखंड क मातृभाषाओँ क लेखक मथुरा दत्त मठपाल अर प्रेम लाल भट्ट क निमित्त पौधे लगाण दगड़ी ह्वाल।*

■ *स्मृति वन 2020 मा धाद क पहल पर उत्तराखण्ड शासन द्वारा उपलब्ध करवयी भूमि पर विकसित करयाणा च , जैमा उत्तराखंड की दिवंगत विभूतियों दगड़ी आम समाज क लोग अपर प्रियजनों नाम पौधे लगे करदन।*

■ *हरेला घी संग्रान्द क महीना ये वर्ष उत्तराखंड क निवासियों दगड़ी प्रवास रैवास कन व्हाल सब्बि लोगू कुणी धाद न तीन अपील जारी करी छन।*

◆ *पैल आप जख छ्यौ वख एक पौधा लगाव अर उत्तराखंड क धरती से उपजे ये पर्व क दगड़ी हरियाली क संदेश देश दुनिया तक पहुंचाव।*

◆ *दूसर राज्य हित मा नए भू- कानून, भूमि बंदोबस्त अर अनिवार्य चकबंदी समर्थन करो।*

◆ *तीसर उत्तराखण्ड हिमालय क खेत खलिहानों तै आबाद रखण व्हाल उ सभी किसानों क उत्पादन तै अपर भोजन मा शामिल करो । अर जब वेक व्यंजन बणाव त वेकी फोटो सब्यूँ दगड़ी शेयर करो ये महिना सोशल मीडिया पर चलये जाण व्हाल पहाड़ी थाली अभियान क हिस्सा बणो ताकि सब लोग इन कना कुणी प्रेरित ह्वाव।

■ *ये मैना हिमालयी अन्न उत्पादन तै 1000 परिवारों दगड़ी जुड़ना कुणी धाद द्वारा ” फंची” अभियान भी चलये जाल* । यी फंची मा कोदा, झंगोर ,जख्या,लाल चावल,भट्ट, गहथ, राजमा , बुरांश जूस आदि पहाड़ी उत्पाद शामिल करे गीन। . अभियान अंतर्गत हिमालयी अन्न उत्पादन से जुड़या लोगू कुणी सहयोगी वातावरण बणाण की पहल क अंतर्गत घरों तक उत्पाद पहुंचये जाल.

तन्मय
सचिव धाद

Amit Amoli

Leave a Reply

Your email address will not be published.