बिग न्यूज़ :- उत्तराखंड सरकार न स्थगित करी कावंड़ यात्रा
बिग न्यूज़ :- उत्तराखंड सरकार न स्थगित करी कावंड़ यात्रा
देहरादून । मुख्यमंत्री पुष्कर सिंह धामी न कांवङ यात्रा बाबत सचिवालय मा वरिष्ठ अधिकारियों दगड़ी बैठक करी। बैठक मा कोविड क डेल्टा प्लस वैरियेन्ट क पये जाण पर, कोविड क तीसरी लहर आशंका अर देश-विदेश मा येक दुष्प्रभावों पर गहन विचार-विमर्श करे ग्यायी। ये बाबत स विशेषज्ञों की राय पर भी विचार करे ग्यायी । मनखी जीवन रक्षा तै सर्वोच्च प्राथमिकता देकन आगामी काँवड़ यात्रा तै स्थगित रखण क निर्णय लिये ग्यायी।
मुख्यमंत्री ने सचिव गृह अर पुलिस महानिदेशक तै यथोचित कार्यवाही कन क निर्देश देन। यी भी निर्देश देन कि पड़ोसी राज्यों क अधिकारियों से समन्वय स्थापित करी कन प्रभावी कार्यवाही बाबतअनुरोध करे जाव , ताकि वैश्विक माहमारी तै रुकण मा सफल ह्वे सक्याव।
बैठक मा मुख्य सचिव डाॅ एस एस संधु, अपर मुख्य सचिव श्री आनंदबर्द्धन पुलिस महानिदेशक अशोक कुमार, समेंत वरिष्ठ अधिकारी उपस्थित छ्यायी।
