उत्तराखंड बणी पैल भूकंप अलर्ट’’ ऐप लांच कन व्हाल प्रदेश
उत्तराखंड बणी पैल भूकंप अलर्ट’’ ऐप लांच कन व्हाल प्रदेश।
देहरादून: मुख्यमंत्री पुष्कर सिंह धामी न सचिवालय मा मोबाइल एप्लीकेशन ‘‘उत्तराखण्ड भूकंप अलर्ट’’ ऐप शुभारंभ करी। उत्तराखण्ड राज्य आपदा प्रबंधन प्राधिकरण, आपदा प्रबंधन विभाग अर भारतीय प्रौद्योगिकी संस्थान रूड़की सौजन्य से बणयूँ ऐप माध्यम से भूकंप से पैल चेतावनी मिल जाली। यी ऐप बणाण व्हाल उत्तराखण्ड देश क पैल राज्य बणी ग्यायी । ये एप तै जन सुरक्षा मा मदद मिलली। ये ऐप माध्यम से भूकंप दौरान लोगू की लोकेशन भी प्राप्त करे जै सक्याद । भूकंप अलर्ट माध्यम से भूकंप से क्षतिग्रस्त संरचनाओं मा फँसे हूंण पर सूचना दी ये जै सक्याद। उत्तराखण्ड भूकंप अलर्ट ऐप तै गूगल प्ले स्टोर से डाउनलोड कर सकदन।
मुख्यमंत्री पुष्कर सिंह धामी न ब्वाल कि उत्तराखण्ड भूकंप की दृष्टि से संवेदनशील राज्य च। ये ऐप माध्यम से लोगू तै भूकंप से पूर्व चेतावनी मिल सको, ये कुणी इस ऐप की लोगू तै जानकारी दीये जाव विभिन्न माध्यमों से व्यापक स्तर पर येक प्रचार प्रसार करे जाव। आपदा प्रबंधन विभाग द्वारा येकी लघु फिल्म बणे कन जन-जन तक पहुंचये जाव। स्कूलों मा भी बच्चों तै लघु फिल्म माध्यम से ये ऐप के बाबत जानकारी दीये जाव। मुख्यमंत्री न ब्वाल कि जौ लोगू मा एंड्रायड फोन नि च, उक भी भूकंप से पैल चेतावनी मैसेज पहुंच जाव, ये ऐप के माध्यम से या सुविधा भी प्रदान करे जाव। भूकंप पूर्व चेतावनी मा सायरन अर वॉयस द्वी माध्यमों से अलर्ट कन व्यवस्था करे जाव। भूकंप पूर्व चेतावनी कुणी सायरन टोन अलग से व्हाव।
मुख्यमंत्री न ब्वाल कि भूकंप पूर्व चेतावनी कुणी या एक अच्छी पहल च। ये अवसर पर आपदा प्रबंधन एवं पुनर्वास मंत्री डॉ. धन सिंह रावत, मुख्य सचिव डॉ. एसएस संधु, अपर मुख्य सचिव आनंद बर्द्धन, सचिव आपदा प्रबंधन एसए मुरूगेशन, आईआईटी रुड़की के प्रो. कमल एवं आपदा प्रबंधन विभाग क अधिकारी उपस्थित छ्यायी।
