गड्ढामुक्त व्हेली उत्तराखंड सड़क, मुख्य सचिव न देन अधिकारियूँ तै सख्त हिदायत, ड्रोन से व्हाल सड़क निर्माण कार्यों सर्वे
गड्ढामुक्त व्हेली उत्तराखंड सड़क, मुख्य सचिव न देन अधिकारियूँ तै सख्त हिदायत, ड्रोन से व्हाल सड़क निर्माण कार्यों सर्वे।
देहरादून । मुख्य सचिव डॉ.एस.एस.सन्धु न उक सचिवालय सभागार मा प्रदेश मा सड़कों तै पेचलैस मुक्त कन सम्बन्ध मा आयोजित बैठक मा सम्बन्धित विभागों तै उपरोक्त दिशा-निर्देश देन।
उन लोक निर्माण विभाग, एनएचआई(डीसीएल), एनएचएआई अर बीआरओ विभागीय अधिकारियूँ तै निर्देशित करी कि प्रदेश मा जख भी यातयात ज्यादा छ अर सड़कों कंडीशन भी खराब च उ तै उच्च प्राथमिकता मा लेकन सड़क सुधारीकरण काम पूर करो। वेक पश्चात् सड़क दशा अवरोही (घटते) क्रम मा सुधारीकरण काम पूर करो।
उन चारों विभागों अधिकारियूँ से सड़कों की वस्तुस्थिति की जानकारी लेकन प्रमुख अभियन्ता लोक निर्माण विभाग तै निर्देशित करी कि राष्ट्रीय राजमार्ग प्राधिकरण (डीसीएल), राष्ट्रीय राजमार्ग प्राधिकरण (एआई) अर सडक सीमा संगठन (बीआरओ) तीनों विभागों की सड़कों की वस्तुस्थिति अर सुधारीकरण कार्य की गुणवत्ता क ड्रोन सर्वे करे कन जल्द से रिपोर्ट प्रस्तुत करो।
मुख्य सचिव न निर्माणदायी विभागों अर एजेंसियूँ तै सड़क की वास्तविक दशा अर सुधारीकरण की जरूरत अनुसार पुनर्निर्माण अर सुधारीकरण क प्रस्ताव बणाण निर्देश देन। ये दगड़ी ही निर्माण कार्य दौरान यी सुनिश्चित कना कुणी ब्वाल कि सडक पर यातायात आवागमन मा अर लोगू तै मूवमेंट दौरान अनावश्यक परेशानी ना व्हाव। अव्यवस्थित तरीके की कार्यप्रणाली तै स्वीकार नि करे जाली।
उन विभागों से सड़क तै पेचलैस (गड्ढा मुक्त) कन अर सुधारीकरण बाबत टाइमलाइन तय करी कन निर्धारित अवधि मा वे काम तै पूर कन निर्देश देन। उन सडकों की रियल टाइम मॉनिटरिंग कन बाबत रोड असेस्मेंट सॉफ्टवेयर तै एक्टिव करिंकन सब्बि स्टेटस तै ऑनलाइन मोड पर प्रजेंट कना कुणी ब्वाल।
उन प्रमुख सचिव आर.के.सुधांशु तै निर्देशित करि कि पर्वतीय क्षेत्रों मा पार्किंग की समस्या संबंध मा टिहरी हाइड्रो डेवलपमेंट कारपोरेशन से समन्वय कना बाबत समाधान तलाशो। ये दौरान बैठक मा प्रमुख सचिव आर.के सुधांशु, अपर सचिव अतर सिंह, प्रमुख अभियंता लोक निर्माण विभाग श्री हरिओम शर्मा, निदेशक बीआरओ विवेक श्रीवास्तव, परियोजना निदेशक एनएचएआई श्री पी.एस गोसाईं, डीजीएम प्रोजेक्ट एनएच (डीसीएल) श्री प्रेमचन्द सहित सम्बन्धित अधिकारी उपस्थित छ्यायी।
