डंपिंग जोन विकसित कना बाबत जल्द बणये जाव एक्शन प्लान: महाराज रोप-वे प्रगति तै लेकन भी व्हाई मंथन
डंपिंग जोन विकसित कना बाबत जल्द बणये जाव एक्शन प्लान: महाराज रोप-वे प्रगति तै लेकन भी व्हाई मंथन
देहरादून। प्रदेश पर्यटन, लोक निर्माण, सिंचाई, धर्मस्व अर संस्कृति मंत्री श्री सतपाल महाराज न चारधाम परियोजना दौरान बणया डंपिंग जोन तै जन सुविधाओं खातिर उपयोग मा लाण कुणी अर रोपवे क निर्माण तै लेकन शनिवार कुणी लोनिवि,वन विभाग अर पर्यटन विभाग अधिकारियूँ दगड़ी बैठक करी अर कार्य योजना पर मंथन करी।
प्रदेश पर्यटन, लोक निर्माण, सिंचाई अर संस्कृति मंत्री श्री सतपाल महाराज न शनिवार कुणी प्रमुख अभियंता, लोक निर्माण विभाग कार्यालय, यमुना कॉलोनी मा लोक निर्माण, पर्यटन अर वन विभाग अधिकारियूँ के
दगड़ी बैठक मा चारधाम परियोजना अंतर्गत 889 किमी मा बणी 350 डम्पिंग जोन की पर्यटन दृष्टि से उपयोगिता पर मंथन करी।
उन अधिकारियूँ तै निर्देशित करी कि चार धाम परियोजना क अंतर्गत बणया सभी डंपिंग जोनों तै पर्यटकों की सुविधाओं क अनुरूप विकसित करे जाल। डंपिंग जोन तहत जतना स्थान चिन्हित कर्या उ सब्बि स्थानों क उपयोग कैरावन, पार्किंग, शौचालय, रेस्ट हाउस अर रेस्टोरेंट्स आदि गतिविधियों क उपयोग मा लये जाव।
कैबिनेट मंत्री श्री सतपाल महाराज न जानकारी देकन बतायी कि चारधाम परियोजना अंतर्गत 889 किमी दायरा यात्रा मार्ग पर कुल 350 डम्पिंग जोन छन। पर्यटन दृष्टि से विकसित करे जाण बाबत 54 डम्पिंग जोन जौक कुल क्षेत्रफल 125 बीघा च चिन्हित करे गीन। श्री महाराज न बतायी कि ऋषिकेश से माणा राष्ट्रीय राजमार्ग संख्या-58 पर 06 डंपिंग जोन, रुद्रप्रयाग से गौरीकुंड राष्ट्रीय राजमार्ग संख्या-109 पर 05 डंपिंग जोन, टनकपुर से पिथौरागढ़ राष्ट्रीय राजमार्ग संख्या 125 पर 30 डंपिंग जोन, ऋषिकेश से धरासू राष्ट्रीय राजमार्ग संख्या-94 पर 03 डंपिंग जोन, धरासू से यमुनोत्री राष्ट्रीय राजमार्ग संख्या-94 पर कुल 10 डंपिंग जोन जबकि धरासू से गंगोत्री राष्ट्रीय राजमार्ग संख्या-108 पर 01 डंपिंग जोन उपलब्ध छन।
अधिकारियूँ दगड़ी बैठक दौरान पर्यटन, लोक निर्माण, सिंचाई, धर्मस्व अर संस्कृति मंत्री श्री सतपाल महाराज न ब्वाल लोक निर्माण अर वन विभाग क अधिकारी तै निर्देश देन कि तुरंत ये पर एक्शन प्लान तैयार करो ताकि समय पर यी योजना तै मूर्त रूप दिये जै सक्याव।
कैबिनेट मंत्री श्री सतपाल महाराज न लोनिवि अर वन विभाग अधिकारियूँ दगड़ी बैठक पश्चात पर्यटन अर ब्रिडकुल अधिकारियूँ दगड़ी भी बैठक कर निर्माणाधीन रुकण पर चर्चा कना दगड़ी उकी प्रगति बाबत जानकारी हासिल की।
पर्यटन मंत्री श्री सतपाल महाराज न बैठक दौरान देहरादून (पुरकुल गांव) से मसूरी (लाइब्रेरी चौक), कद्दूखाल से सुरकंडा देवी मंदिर, ठुलीगाड़ से पूर्णागिरि, जानकी चट्टी (खरसाली) से यमुनोत्री, रानी बाग से नैनीताल, गौरीकुंड से केदारनाथ, गोविंद घाट से हेमकुंड, झलपाडी से दीवाडांडा, कीर्तिखाल से भैरव गढ़ी और क्यूंकालेश्वर महादेव मंदिर तक रोप-वे की प्रगति और तकनीकी पहलुओं पर भी विचार विमर्श करी।
ये मौका पर प्रमुख सचिव सुधांशु, सचिव वन विजय कुमार यादव, अपर सचिव अतर सिंह, अपर सचिव पर्यटन वाई.के. पंत, प्रमुख अभियंता हरिओम शर्मा, मुख्य वन संरक्षक गढ़वाल सुशांत पटनायक, मुख्य अभियंता एन.एच. ओमप्रकाश, ब्रिडकुल प्रबंध निदेशक सी.एस. नेगी और आर.के. उनियाल सहित अनेक अधिकारी उपस्थित रैन।
*निशीथ सकलानी*
मीडिया सलाहकार, श्री सतपाल महाराज जी, माननीय मंत्री पर्यटन, लोक निर्माण, सिंचाई, धर्मस्व एवं संस्कृति, उत्तराखंड सरकार।
