केंद्रीय सहकारिता मंत्री अमित शाह करल मुख्यमंत्री घसियारी कल्याण योजना सितंबर मैना बिटी शुभारंभ
केंद्रीय सहकारिता मंत्री अमित शाह करल मुख्यमंत्री घसियारी कल्याण योजना सितंबर मैना बिटी शुभारंभ।
देहरादून । विधानसभा स्थित सभागार मा सहकारिता मंत्री डॉ धन सिंह रावत द्वारा सहकारिता विभाग समीक्षा बैठक करी। बैठक मा सहकारिता मंत्री न ब्वाल कि महत्वकांक्षी घसियारी कल्याण योजना अर 670 बहुउद्देश्यी सहकारी समिति कम्प्यूटराइजेशन सितबंर मैना मा करे जाल। येकउद्धघाटन केंद्रीय सहकारिता मंत्री अमित शाह अर प्रदेश मुख्यमंत्री पुष्कर सिंह धामी करल। उद्धघाटन पौड़ी गढ़वाल या अल्मोडा मनन एक जगह मा करे जाल। ये उद्धघाटन कार्यक्रम मा 20 हज़ार महिला शामिल व्हेली। यी द्वी योजनाओं की लॉन्चिंग क पूरी तैयारी कन निर्देश सहकारिता मंत्री न अधिकारियूँ तै द्याय ।
अपर निबंधक आनंद शुक्ला न बतायी कि घसियारी योजना लॉन्चिंग कुणी 20-20 केजी क 500 बैग बणये दिए गेन। घसियारी किट बणाण बाबत अजकली दिनों मा लगातार काम चलना ये कुणी पहाड़ क 4 जिलों पौड़ी , टिहरी अल्मोड़ा, चंपावत मा 50 सेंटर बणे दीये गीन। यख समिति जरिये महिलाओं तै साइलेज घसियारी किट दिया जाल।
सरकार की यी योजना पहाड़ पर महिलाओं कुणी वरदान सिद्ध व्हेली। महिलाओं तै घास खातिर जंगल नि जाण पड़ल। बैठक मा अपर निबंधक ईरा उप्रेती न बतायी कि कंप्यूटराइजेशन क कुणी पैक्स समितियां मा काम पूर व्है ग्यायी। 390 समितियाँ पूरी तरह तैयार छन। अर शेष समिति यो क कंप्यूटराइजेशन 10 दिन मा पूरा कर लिये जाल।
सहकारिता मंत्री डॉ धन सिंह रावत न ब्वाल कि दीनदयाल उपाध्याय सहकारिता किसान कल्याण योजना जीरो प्रतिशत ब्याज पर किसानों तै ऋण दीण कुणी कार्यक्रम हर ब्लॉक मुख्यालय मा 15 सितंबर से 30 अक्टूबर तक चलये जाली।
महिला समूह तै ऋण दिये जाल। गौरतलब च कि 5 लाख किसानों को जीरो प्रतिशत पर किसानों कुणी सरकार अर सहकारी बैंक ऋण दिए गीन।
मंत्री डॉ रावत न ब्वाल की सरकारी बैंकों की 20 नई शाखाओं सितंबर मा उद्घाटन करे जाल। ये मैना 20 तारीख कुणी नई एटीएम बैंक उद्घाटन करे जाल। गौरतलब च कि कोऑपरेटिव बैंक की एटीएम वैन बहुत कोविड-19 मा मददगार व्हेली।
बैठक मा सहकारिता सचिव आर मीनाक्षी सुंदरम, निबंधक सहकारिता समितियां आनंद स्वरूप, अपर निबंधक ईरा उप्रेती, अपर निबंधक आनंद शुक्ला उपनिबंधक नीरज बेलवाल, उप निबंधक एमपी त्रिपाठी, उप निबन्धक मान सिंह सैनी, बैंक के महाप्रबंधक देहरादून वंदना श्रीवास्तव, अपर जिला निबंधक देहरादून श्री राजेश चौहान। सहित अपर जिला निबंधक टिहरी सुभाष गहतोडी, जीएम टिहरी सौ सिंह , अपर जिला निबंधक उत्तरकाशी नरेन्द्र सिंह रावत जीएम उत्तरकाशी श्री एनएस भण्डारी, एआर पौड़ी वीके सुमन व जीएम पौड़ी कोटद्वार मनोज कुमार, एआर व जीएम रुद्रप्रयाग, एआर व जीएम चमोली, एआर व जीएम उधमपुर सिंह नगर, एआर व जीएम नैनीताल, जीएम अल्मोड़ा, एआर व जीएम पिथौरागढ़, जीएम हरिद्वार सीके कमल मौजूद छ्यायी।
