उत्तराखंड की बेटी न टोक्यो ओलंपिक मा रची इतिहास, हॉकी मा हैट्रिक लगे कन दिलाई टीम इंडिया तै जीत
उत्तराखंड की बेटी न टोक्यो ओलंपिक मा रची इतिहास,
हॉकी मा हैट्रिक लगे कन दिलाई टीम इंडिया तै जीत।
देहरादून । हरिद्वार क छुट से गांव की वंदना कटारिया न ओलंपिक मा अपरी प्रतिभा दिखाई । भारतीय महिला हॉकी टीम तै खिलाड़ी वंदना कटारिया न टोक्यो ओलंपिक मा इतिहास रच द्याय। दक्षिण अफ्रीका क खिलाफ मैच मा वंदना न तीन गोल दगीन अर टीम तै जीत दिलाण मा मुख्य भूमिका निभाई।
वंदना न ओलंपिक मा हैट्रिक लगेकन पैली भारतीय महिला हॉकी खिलाड़ी क यी खिताब भी अपर नाम कर याल। बते दिवा कि 1984 बाद कै भारतीय न ओलंपिक मा हैट्रिक नि लगे छेयी।
वंदना न ऐतिहासिक उपलब्धि से दिवंगत पिता तै श्रद्धांजलि द्याय। अपरी तैयारी चलद वा पिता क निधन पर भी गांव नि जै साकी छेयी । वंदना की यी उपलब्धि पर परिजनों, ग्रामीण अर जिला खेल अधिकारियूँ मा जश्न क माहौल च। बहादराबाद ब्लॉक क्षेत्र क गांव रोशनाबाद निवासी वंदना कटारिया न पढे दगड़ी हॉकी मा अपर कॅरियर बणाण खातिर जी जान से मेहनत करी।
वंदना कटारिया जन्म 15 अप्रैल 1992 मा रोशनाबाद मा व्हाई। वंदना कटारिया न पैली बार जूनियर अंतरराष्ट्रीय स्पर्धा मा 2006 मा प्रतिभाग करी। साल 2013 मा देश मा सबसे ज्यादा गोल कन मा सफल रायी।
जर्मनी मा हुयूँ जूनियर महिला विश्वकप मा वंदना कटारिया कांस्य पदक विजेता बणी। वंदना न हॉकी मा फिर कभी पैथर मुड़ी कन नि द्याखि। वा भारतीय महिला हॉकी टीम कप्तान भी रायी।
2021 मई मा पिता नाहर सिंह क आकस्मिक निधन व्हे ग्यायी। तब गांव नी ऐ साकी छेयी। तब ओलंपिक बाबत बेंगलुरु मा चलन रहे व्हाल कैंप मा तैयारी कना छेयी । वीक हैट्रिक लगाण से गांव मां जश्न च।
ग्रामीण परिवार क लोगू तै शुभकामनाएं दीणा खातिर पहुचणा छन। उप जिला खेल अधिकारी वरुण बेलवाल न वंदना कटारिया को शुभकामनाएं द्याय। उन ब्वाल कि उ उम्मीद च कि करोड़ों भारतीय की दुआओं से महिला हॉकी टीम जरूर ओलंपिक बिटी मेडल लेकन आली।
