भू-कानून पर दंगल : उत्तराखंड मा विधानसभा चुनाव से पैल नै भू-कानून तै लेकन सियासत गर्म
भू-कानून पर दंगल : उत्तराखंड मा विधानसभा चुनाव से पैल नै भू-कानून तै लेकन सियासत गर्म।
देहरादून। उत्तराखंड मा विधानसभा चुनाव 2022 से पैल प्रदेश मा नै भू-कानून तै लेकन सियासत तेज व्हे ग्यायी। जमीन खरीदण कुणी कानून मा करि बंदोबस्त तै राज्यवासियूँ हितों पर चोट करार देकन विपक्षी दलों न सरकार अर सत्तारूढ़ दल भाजपा तै घिरण की कोशिश तेज कर याल। सोशल मीडिया पर बाकायदा मुहिम चलण बाद अब ये मुद्दे तै जनता बीच ली जाण की कसरत करयाणा च। प्रमुख विपक्षी दल कांग्रेस न भी ये मुद्दा तै लपकी कन नै मोर्चा खोल याल । वखि प्रदेश भाजपा ये मुद्दा पर विपक्ष तै खिलण मौका नि दीण चांद। सत्तारूढ़ पार्टी न भूमि कानून मा संशोधन पर विचार कन की जरूरत पर जोर देकन जवाबी रणनीति एथर कर याल।
उत्तराखंड राज्य बणन बाद से हिमाचल तर्ज पर सख्त भू-कानून लागू कन की पैरोकारी करयाणा च । जमीन अनाप-शनाप खरीद फरोख्त पर रोक कुणी कानूनी प्रविधानों कल पक्ष मा बुद्धिजीवी भी आवाज बुलंद कना छन। विधानसभा चुनाव से पहले भू-कानून मुद्दा तै गरमानण कुणी तैयारी च। राज्य बणन बाद 20 सालों मा भू-कानून मा तीन बड़ बदलाव करे गीन। साल 2017 से लेकर 2019 तकन ये कानून तै बाहरी पूंजी निवेशकों तै बुलाण कुणी अर उद्योगों तै प्रोत्साहन दीण कुणी लचीला बणये ग्याय। जैक बाद एक बार फिर नए भू की माँग जोर पकड़न लग ग्यायी।
कुमाऊँ मंडल हल्द्वानी शहर मा हर हफ्ता रैली निकलणा छन्न। रुद्रपुर सिडकुल मा काम कन व्हाल युवाओं तै सप्ताह मा एक बार अवकाश मिलद, वे दिन आराम कन जगह यी युवा भू कानून की मांग कुणी हल्द्वानी क तिकोनिया पार्क मा कठी हुदन अर भू कानून मांग कुणी आवाज उठाणा छन।
यूँ मनन एक युवा आशीष जोशी भी च जू यू ट्यूबर भी च।
आशीष जू कि मूलतः पौड़ी गढ़वाल क रैवासी च उन अपर घर जैकन भी रात मा बस क सफर मा लोगू तै भू कानून से संबंधित बाते बताई, अर भू कानून से संबंधित पर्चा भी बटिन। आशीष क दगड़ी ही भू कानून तै लेकम अन्य युवाओं मा जोश व जुनून च।अनिल शर्मा, पंकज चौधरी, योगेश कंडवाल, प्रदीप , आदि युवा हर तरह से भू कानून कुणी अपर योगदान दीणा छन ।
