बणाण अर उपयोग की प्रक्रिया, द्वी मैना मा 30 लाख आयुष्मान कार्ड बणाण लक्ष्य

बणाण अर उपयोग की प्रक्रिया,  द्वी मैना मा 30 लाख आयुष्मान कार्ड बणाण लक्ष्य
Spread the love

डा. धन सिंह रावत न ब्वाल सरल व्हेली आयुष्मान कार्ड बणाण अर उपयोग की प्रक्रिया, द्वी मैना मा 30 लाख आयुष्मान कार्ड बणाण लक्ष्य।

104 हेल्पलाइन नंबर क माध्यम से मिलली अनेक स्वास्थ्य सेवा।

स्वास्थ्य सेवाओं तै हाईटेक बणाण कुणी 3232 हेल्थ कर्मियूँ तै मिलल टैबलेट

देहरादून । प्रदेशवासियूँ तै आयुष्मान कार्ड माध्यम से बेहत्तर स्वास्थ्य सुविधा मुहैया कराण कुणी कार्ड बणाण की प्रक्रिया क सरलीकरण कन दगड़ी ही द्वी मैना भीतर राज्य क 70 लाख लोगू तै सुविधा उपलब्ध करे दिए जाली। ये दगड़ी 104 हेल्पलाइन नम्बर विस्तार करि कन राज्य वरिष्ठ नागरिकों समेत आम जरूरतमंद तै सब्बि स्वास्थ्य सेवा उपलब्ध करए जाली। ग्रामीण क्षेत्रों मा स्वास्थ्य सुविधाआें तै हाईटेक बणाण उद्देश्य से राज्यभर क 3232 एएनएम तथा कम्युनिटी हेल्थ ऑफिसर (सीएचओ) तै एनएचएम तहत टैबलेट मुहैया करये जाल ।

या बात चिकित्सा स्वास्थ्य अर चिकित्सा शिक्षा मंत्री डा. धन सिंह रावत न आज विधानसभा स्थित कार्यालय मा उरयी स्वास्थ्य विभाग की समीक्षा बैठक बाद मीडिया से मुखातिब व्हे कन ब्वाल। उन ब्वाल कि राज्य जनता तै आयुष्मान कार्ड अधिक से अधिक लाभ दीण उद्देश्य से कार्ड तै बणाण की प्रक्रिया अर उपयोग नियमों सरलीकरण करे जाल। अभी तकन राज्यभर 40 लाख लोगू क आयुष्मान कार्ड बणी गीन। जबकि आगामी द्वी मैना मा 30 लाख होर लोगू तै आयुष्मान कार्ड उपलब्ध कराण बाबत ब्लॉक अर न्यायपंचायत स्तर पर शिविर आयोजित कराण निर्देश विभागीय अधिकारियों तै दे दिये गीन।

ये दगड़ी वरिष्ठ नागरिकों, महिलाओं अर असहाय लोगू तै स्वास्थ्य सुविधाएं उपलब्ध कराण कुणी विभाग हेल्पलाइन नम्बर 104 माध्यम से विशेष सुविधा उपलब्ध करये जाली। प्रदेश ग्रामीण क्षेत्रों मा स्वास्थ्य सुविधाआें तै हाईटेक बणाण उद्देश्य से विभिन्न जनपदों मा तैनात एएनएम, कम्युनिटी हेल्थ ऑफिसर (सीएचओ) अर मिड लेवल हेल्थ प्रोवाइडर्स (एमएनएचपी) तै एनएचएम क तहत विशेष टैबलेट मुहैया करये जाल। अभी तक विभाग 2137 सीएचओ अर एएनएम तै टैबलेट मुहैया करये गीन जबकि शेष 1095 तै जल्द ही शटैबलेट उलब्ध करये जाल ताकि विभिन्न जनपदों मा तैनात एएनएम अर सीएचओ सीधे एनएचएम क पोर्टल से जुडी कन आवश्यक डाटा अर सूचनाओं आदान-प्रदान कर सकल। इनि प्रकार विभाग द्वारा प्रदेशभर क आशा कार्यकत्रियों तै स्मार्ट फोन उपलब्ध करये गीन ।

बैठक मा स्वास्थ्य सचिव अमित नेगी, अपर सचिव एवं महानिदेशक चिकित्सा शिक्षा सी. रविशंकर, मिशन निदेशक एनएचएम सोनिका, अपर सचिव स्वास्थ्य अरूणेन्द्र सिंह चौहान, स्वास्थ्य महानिदेशक डा. तृप्ति बहुगुणा, अपर सचिव गरिमा रौंकली, अपर मिशन निदेशक एनएचएम अभिषेक त्रिपाठी समेंत स्वास्थ्य विभाग क अधिकारी उपस्थित रैन।

Amit Amoli

Leave a Reply

Your email address will not be published.