स्वास्थ्य मंत्री ऐलान, 31 दिसम्बर तकन 100 प्रतिशत लोगू तैं लग जाली कोरोना वैक्सीन
उत्तराखण्ड मा कोरोना संक्रमण तै काबू मा कना खातिर, अब तेजी से कोरोना वैक्सीनिशेन अभियान चलयाणा छ, राज्य भर मा लोगू तै कोविड वैक्सीन डोज दियाणा छ अर उन ये संक्रमण से कुछ हद तकन सुरक्षित करयाणा छ। ये तै लेकन अब राज्य स्वास्थ्य मंत्री धन सिंह रावत न ऐलान करी 31 दिसम्बर तकन राज्य क हर कै मनखी तै कोरोना खुराक दिये जाली।
स्वास्थ्य मंत्री रावत न ब्वाल कि हम 100 प्रतिषत लक्ष्य पूर कना बाबत प्रतिबद्ध छवां अर ये मा काम करयाणा छ। उन बतै कि राज्य मा लगातार लोगू तै कोरोना वैक्सीन लगयाणा छ। चिकित्सकौं दगड़ी ही नर्सिग स्टाफ दूर दराज इलाकौं मा जैकन भी लोगू तै कोरोना खुराक दिणा छन। ये दगड़ी उन ब्वाल कि दूर दराज अर कुछ दुर्गम पहाड़ी इलाकौं मा गॉव हूण कारण कोरोना वैक्सीनिषेन ये अभियान मा परेशनी आंद, लेकिन फिर भी चिकित्सकौं अर नर्सिग स्टाफ न हार नी मानी अर लगातार उ अपर काम कना छन।
एक होर एम्स
ये दगड़ी धन सिंह रावत न ब्वाल कि हम उत्तराखण्ड मा एक होर एम्स खुलण तै लेकन प्रतिबद्ध छ अर ये बाबत उ केन्द्रीय मंत्री दिल्ली से मुखाभेंट करल। ये दगड़ मा उन ब्वाल कि हम राज्य मा मौजूद सब्बी गर्भवती जनानियूं खातिर एंबुलेंस सुविधा उपलब्ध करवाण बाबत भी काम कना छन अर जल्दी ही एक फैदा मिलल।
इनै राज्य मा बढणू कोरोना खतरा
वखी राज्य मा कोरोना संक्रमण खतरा बढदू जाणा। नियमौ मा ढील दीण से देषभर बिटी राज्य मा पर्यटकौं लैन लगी। ये दौरान सोषल डिस्टेसिंग या होर कोरोना संबंधी नियमौं पालन नी कना छन। धार्मिक स्थल दगड़ी पर्यटन स्थल पर बड़ी संख्या मा लोगू मौजूदगी संक्रमण खतरा तै बढै सकद।
