ऊर्जा मंत्री डॉ हरक सिंह रावत न मनायी त मान गीन हड़ताली ऊर्जा निगम कर्मचारी ह
ऊर्जा मंत्री डॉ हरक सिंह रावत न मनायी त मान गीन हड़ताली ऊर्जा निगम कर्मचारी।
देहरादून । उत्तराखंड ऊर्जा मंत्री डॉ हरक सिंह रावत न, अपरी 14 सूत्री मांगों तै लेकन ऊर्जा विभाग (यूपीसीएल, यूजेवीएनएल, पिटकुल) कर्मियों की हड़ताल सम्बंध मा कर्मचारी संगठनों से वार्ता करी। कर्मचारी संगठनों न अपरी विभिन्न मांगों बाबत अवगत करायी। वार्ता दौरान कई बिंदुओं पर सहमति बणी अर बिंदुओं पर ऊर्जा मंत्री न समय मांगी कन जल्द ही समाधान कन निर्णय ल्याई।
बैठक मा उत्तराखंड विद्युत अधिकारी कर्मचारी सयुक्त संघर्ष मोर्चा पदाधिकारियूँ न प्रदेश हित मा हड़ताल वापस लीण निर्णय ल्याई।
ऊर्जा मंत्री न कर्मचारियों तै आश्वत करि कि उकी जायज मांग समाधान जल्द से जल्द करे जाल,अर जू होर मांग छन, उक समाधान खातिर शासन स्तर पर कमेटी बणयी जैकी रिपोर्ट मंत्रिमंडल क समणी प्रस्तुत करे जाली। ऊर्जा मंत्री न कर्मचारी संगठनों से यूँ मांग समाधान बाबत एक मैना बगत दीण अनुरोध करी, जै पर सब्बि कर्मचारी सहमत व्हेन हड़ताल तै वापस लीण निर्णय ल्याई।
ऊर्जा मंत्री न ब्वाल कि सब्बि कर्मचारी परिवार क सदस्य की जणी छन इस प्रदेश तै ऊर्जा प्रदेश बणाण हम सभी की जिम्मेदारी च।
उत्तराखंड विधुत अधिकारी कर्मचारी सयुक्त संघर्ष मोर्चा क संयोजक इंसारुल हक न मोर्चे की सब्बि मांगो तै स्वीकार कन बाबत मा० मंत्री जी क आभार प्रकट करी अर हड़ताल वापस लीण की घोषणा करी।
बैठक मा निदेशक ऊर्जा (यूपीसीएल, यूजेवीएनएल, पिटकुल) दीपक रावत, पूर्व निदेशक नीरज खैरवाल , उत्तराखंड विधुत अधिकारी कर्मचारी सयुक्त संघर्ष मोर्चा क होर पदाधिकारी मौजूद रैन।
