उत्तराखंड भाजपा न रखि 2022 क विधानसभा चुनाव मा 51% मत हासिल कन लक्ष्य, जाणो क्या च ये बाबत रणनीति
उत्तराखंड भाजपा न रखि 2022 क विधानसभा चुनाव मा 51% मत हासिल कन लक्ष्य, जाणो क्या च ये बाबत रणनीति।
देहरादून । भाजपा प्रदेश मुख्यालय मा प्रदेश उपाध्यक्ष अनिल गोयल न प्रेस वार्ता मा बतायी कि 14 जिलों मा 252 मंडलों अर 70 विधानसभाओं मा बूत समिति सत्यापन कार्यशाला पूर्ण व्हे चुकी, येक अलावा 11 हजार 235 बूथों पर सत्यापन कार्यक्रम व्हाल टीम प्रशिक्षण भी पूर व्हे ग्यायी। अनिल गोयल न बतायी कि मुख्यमंत्री द्वी बूथों तै मजबूत बणाण कुणी प्रवास करल। यी अभियान 18 से 30 अगस्त तक चलल।
प्रदेश क आगामी विधानसभा चुनावों की तैयारियाें कुणी संगठन स्तर पर पार्टी तै मजबूत बणाण उद्देश्य से बूथ समिति सत्यापन अभियान पर पुरजोर तरीके प्रत्येक पदाधिकारी, मंत्री गण अर कार्यकर्ता लग्यू छन। उन बतायी कि पार्टी न पदाधिकारियूँ तै बूथ मजबूत कन कुणी आवश्यक दिशा निर्देश देन।
अनिल गोयल न बताया कि बूथ समिति सत्यापन मा धार्मिक संस्थान, एनजीओ अलग-अलग वर्ग सामाजिक संगठनों क समावेश बूथ तै मजबूत कना कुणी करे जाल। हमर बूथ काम धरातल पर दिखयाव ये कुणी सशक्त टोली निर्माण भी करी। हमर लक्ष्य 2022 मा 51% मत हासिल कन च, प्रत्येक कार्यकर्ता कुणी जिम्मेदारियां निर्धारित करे गीन, उन बतायी कि दुन्या सबसे पार्टी हूँण नाता भी हमन कोरोना काल मा सब्बि राजनीतिक काम छोड़िकन सेवा ही संगठन क माध्यम से जनहित क प्राथमिकताओं तै देखि कन अपर कार्यकर्ताओं तै हर घर तकन सेवा कामो से जोड़ी कन राखी।
कार्यक्रम संचालन प्रदेश मीडिया प्रभारी मनवीर सिंह चौहान क माध्यम से करे ग्यायी । ये प्रेस वार्ता कार्यक्रम मा बूथ समिति सत्यापन प्रदेश संयोजक प्रदेश महामंत्री राजेंद्र भंडारी, प्रदेश सोशल मीडिया सह प्रभारी श्री परितोष बंगवाल, वरिष्ठ कार्यकर्ता विरेंद्र बिष्ट, प्रदेश सह मीडिया प्रभारी कमलेश उनियाल, संजीव वर्मा, प्रदेश मीडिया विभाग प्रमुख राजीव तलवार व गणमान्य लोग उपस्थित रैन।
