दून अस्पताल व्यवस्थाओं से जिलाधिकारी नाखुश, तीसरी लहर मद्देनजर बेड बढ़ाण अर अन्य सुविधाओं बाबत एक्शन प्लान तैयार कन निर्देश
दून अस्पताल व्यवस्थाओं से जिलाधिकारी नाखुश, तीसरी लहर मद्देनजर बेड बढ़ाण अर अन्य सुविधाओं बाबत एक्शन प्लान तैयार कन निर्देश
अब तक कि तैयारी अर व्यवस्थाओं क एक सप्ताह मा मांगी रिपोर्ट
देहरादून । दून मेडिकल कालेज चिकित्सालय मा कोरोना की संभावित तीसरी लहर मद्देनजर करयाण व्हाल व्यवस्थाओं से जिलाधिकारी डा. आर राजेश कुमार नाखुश दिखे गीन। उन बैड बढ़ाण अर होर अन्य आवश्यक सुविधाओं बाबत एक्शन प्लान तैयार कन क अधिकारियों तै निर्देश देंन। वखि, अब तक की तैयारियू अर व्यवस्थाओं क एक हप्ता भीतर रिपोर्ट दीण कुणी ब्वाल। उन ब्वाल कि तीसरी लहर तै देखि कन चिकित्सालय मा कम से कम 150 बेड की व्यवस्था तत्काल करे जाण चियाद। जै बाबत चिकित्सा प्रबंधन एक्टिव मोड पर काम करो। दवई अर उपकरणों तै व्यवस्थित ढंग से रखण निर्देश भी उन देन।
जिलाधिकारी न मंगलवार देर रात दून मेडिकल कालेज चिकित्सालय क औचक निरीक्षण करी। ये दौरान उन अधिकारियूँ से कोरोना तीसरी लहर तै लेकर करि व्यवस्थाओं की जानकारी ल्याई। दगड़ मा निक्कू एवं पिक्कू वार्ड क भी जायजा ल्याई। 24 घण्टा आपातकालीन सेवा बाबत चिकित्सकों अर ईएमओ की तैनाती सुनिश्चित कन निर्देश भी जिलाधिकारी न देन। निरीक्षण क दौरान उन सेंट्रल पैथोलाजी लैब, ब्लड बैंक, स्त्री अर प्रसूति रोग विभाग, एचडीयू दगड़ी कोरोना संक्रमितू उपचार कुणी बणयूँ वार्डों भी जायजा ल्यायी। दगड़ मा ही अधिकारियों से विभिन्न स्वास्थ्य सेवाओं बबात जानकारी ल्याई।
ये दौरान मुख्य विकास अधिकारी नितिका खंडेलवाल, मुख्य चिकित्साधिकारी डा. मनोज उप्रेती, दून मेडिकल कालेज क प्राचार्य डा.आशुतोष सयाना, दून चिकित्सालय क चिकित्सा अधीक्षक डा. केसी पंत, डा. राधिका आदि उपस्थित छ्यायी।
