देहरादून -: उत्तराखंड राज्य क मुख्यमंत्री कमान संभलद ही मुख्यमंत्री पुष्कर सिंह धामी न भ्रष्टाचार क खिलाफ कार्यवाही शुरू करयााल।
धामी सरकार न चीनी घोटाला आरोपी मुख्य अभियंता आरके सेठ खिलाफ कार्रवाई आदेश जारी करि येन। गन्ना सचिव चंद्रेश कुमार द्वारा जारी आदेश मा आरके सेठ पर कार्रवाई संस्तुति करे ग्यायी। या कार्रवाई मुख्यमंत्री पुष्कर सिंह धामी क निर्देश पर करे ग्यायी।
गौरतलब या छ की 2016 से 2019 बीच जसपुर क नादेही चीनी मिल मा 500 क्विंटल चीनी चोरी घटना तै अंजाम दिये गे छ्यायी। ऑडिट जांच मा फर्जी बिल, चीनी चोरी, रिकॉर्ड दगड़ी छेड़छाड़ जणी अनियमितता बडू स्तर पर पये ग्यायी। आडिट जाँच मा भारी गड़बड़ी मिलन बाद विभाग न आरके सेठ पर कार्यवाही क आदेश जारी करि येन।
चीनी घोटाले क जांच की आंच आरके सेठ दगड़ी तत्कालीन गन्ना सचिव विनोद शर्मा पर भी आयी। विनोद शर्मा पर आरके सेठ दगड़ी सांठगांठ आरोप लग्या छन। जांच मा पये ग्यायी कि विनोद शर्मा न आरके सेठ क इस्तीफा दींण बावजूद एक साल बाद उन वे विभाग मा न सिर्फ जॉइनिंग दिए ग्यायी बल्कि लगातार प्रोन्नति भी दयायि। जांच मा यी भी पये ग्यायी कि घोटाला आरोपी सेठ 30 साल की सेवावधि मा15 साल नादेही चीनी मिल मा कार्यरत रैन। विभाग द्वारा जारी पत्र मा आरके सेठ अर तत्कालीन गन्ना सचिव विनोद शर्मा बीच सांठगाँठ की भी जांच संस्तुति करे ग्यायी।
