कांग्रेस न शुरू करी # ‘मैं भी राहुल’ मुहिम, नेता प्रतिपक्ष प्रीतम सिंह ब्वाल हमर नेता जेल जाण से नि डरिन त एकाउंट लॉक से खाक डरल.
*कांग्रेस न शुरू करी # ‘मैं भी राहुल’ मुहिम, नेता प्रतिपक्ष प्रीतम सिंह बोले हमर नेता जेल जाण से नि डरिन त एकाउंट लॉक से खाक डरल.*
*प्रीतम सिंह ब्वाल पीड़ित बच्ची तै न्याय दिलाण कुणी आवाज उठाण अपराध च, त यी अपराध हम सौ बार करला…*
*# ‘मि भी राहुल’ मुहिम, प्रीतम सिंह ब्वाल हम कांग्रेस छवा, जनता संदेश च, हम लड़ल अर लड़ना रौला*
देहरादून । कांग्रेस पूर्व राष्ट्रीय अध्यक्ष राहुल गांधी ट्विटर एकाउंट लॉक कन विरोध मा कांग्रेस न ट्विटर पर ‘मैं भी राहुल’ मुहिम शुरू करी।
उत्तराखंड मा भी येक असर दिखयाणा च। नेता प्रतिपक्ष प्रीतम सिंह क दगड़ी बड़ी तादाद मा कांग्रेस समर्थकों न अपर-अपर ट्विटर हैंडल नाम राहुल गांधी धरी याल अर प्रोफाइल मा उकी तस्वीर भी लगे याल । ये दगड़ी ही ‘मैं_भी_राहुल’ हैशटैग दगड़ी ट्वीट कना छन, जू ट्विटर पर ट्रेंड कना। उत्तराखंड कत्ति नेताओं क एकाउंट भी ट्विटर न लॉक कर देन।
कुछ दिन दिल्ली मा कथित दुष्कर्म अर हत्या पीड़िता 9 साल क बच्ची क माता-पिता से मुलाकात करी तस्वीर साझा कन तै लेकन कांग्रेस पूर्व अध्यक्ष राहुल गांधी ट्विटर एकाउंट लॉक करे ग्यायी। कांग्रेस न गुरुवार कुणी दावा करी कि उक अर कती नेताओं क ट्विटर अकाउंट तै ये माइक्रोब्लॉगिंग प्लेटफॉर्म न लॉक कर याल। हालांकि ट्विटर न ब्वाल कि नियमों क उल्लंघन कन पर ये कदम उठये ग्यायी।
नेता प्रतिपक्ष प्रीतम सिंह न ब्वाल केंद्र सरकार अर ट्विटर न जथगा ध्यान राहुल गांधी अर कांग्रेस क एकाउंट बंद कन मा लगायी, उथगा पीड़िता तै न्याय दिलाण मा लगयूँ हूंद त आज पीड़िता क परिवार न्याय की गुहार नि लगद।
उन ब्वाल ‘जब हमारे नेताओं त जेलों म बंद कर दिये ग्यायी, हम तब नि डरो त अब ट्विटर एकाउंट बंद कम से क्या ख़ाक डरल। हम कांग्रेस छवा, जनता क संदेश च, हम लड़ला अर लड़ना रौला।’ नेता प्रतिपक्ष न ब्वाल ‘अगर बलात्कार पीड़ित बच्ची तै न्याय दिलाण कुणी आवाज उठाण अपराध च त यी अपराध हम सौ बार करला। जय हिंद, सत्यमेव जयते।’
