CM धामी न भारतीय महिला हॉकी टीम खिलड़ी वंदना कटारिया क घर जैकन करी सम्मानित, ओलम्पिक मा शानदार प्रदर्शन खातिर 25 लाख रुपये चेक अर तीलू रौतेली पुरस्कार से सम्मानित करी
![CM धामी न भारतीय महिला हॉकी टीम खिलड़ी वंदना कटारिया क घर जैकन करी सम्मानित, ओलम्पिक मा शानदार प्रदर्शन खातिर 25 लाख रुपये चेक अर तीलू रौतेली पुरस्कार से सम्मानित करी](https://tirthchetna.com/wp-content/uploads/2021/08/IMG-20210812-WA0016.jpg)
*CM धामी न भारतीय महिला हॉकी टीम खिलड़ी वंदना कटारिया क घर जैकन करी सम्मानित, ओलम्पिक मा शानदार प्रदर्शन खातिर 25 लाख रुपये चेक अर तीलू रौतेली पुरस्कार से सम्मानित करी*
*वंदना कटारिया तै महिला सशक्तीकरण तहत ‘‘बेटी बचाओ, बेटी पढ़ाओ अभियान ब्रांड एम्बेसडर भी बणये ग्यायी*
देहरादून । मुख्यमंत्री पुष्कर सिंह धामी न भारतीय महिला हॉकी खिलाड़ी वन्दना कटारिया क रोशनाबाद, हरिद्वार स्थित आवास पर जैकन टोकियो ओलंपिक मा वंदना शानदार प्रदर्शन पर उते बधाई द्याय। मुख्यमंत्री पुष्कर सिंह धामी न वन्दना कटारिया तै 25 लाख रूपये चेक प्रदान करी। ये मौका पर मुख्यमंत्री नवन्दना कटारिया तै तीलू रौतेली पुरस्कार से भी सम्मानित करी। येक तहत उन 31 हजार रूपये चेक अर प्रशस्ति पत्र प्रदान करी। वंदना कटारिया तै महिला सशक्तीकरण तहत ‘‘बेटी बचाओ, बेटी पढ़ाओ अभियान ब्रांड एम्बेसडर भी बणये ग्यायी।
मुख्यमंत्री पुष्कर सिंह धामी न ब्वाल कि वन्दना कटारिया न टोकियो ओलंपिक मा अपर शानदार प्रदर्शन से प्रदेश क मान-सम्मान बढ़ायी। उत्तराखण्ड की बेटी न एक मैच मा हैट्रिक बणेकन अपरी अलग पहचान बणायी। उन वन्दना तै एथर भी ये मनोबल से खिलना कुणी प्रेरित करी। मुख्यमंत्री न ब्वाल कि खिलाड़ियों तै अधिक से अधिक सुविधाएं मिल सको, ये कुणी राज्य मा नै खेल नीति बणयाणी च। उन वंदना कटारिया क उज्ज्वल भविष्य की कामना करी।
ये मौका पर कैबिनेट मंत्री डॉ. धन सिंह रावत, यतीश्वरानन्द, विधायक आदेश चौहान, देशराज कर्णवाल, सचिव हरि चन्द्र सेमवाल अर वंदना कटारिया क परिवारजन मौजूद छ्यायी।