कोविड दूसरी लहर मा करि सेवा खातिर डॉक्टर विपुल कंडवाल व आरोग्यधाम अस्पताल क पूरी टीम व्हाई सम्मानित
कोविड दूसरी लहर मा करि सेवा खातिर डॉक्टर विपुल कंडवाल व आरोग्यधाम अस्पताल क पूरी टीम व्हाई सम्मानित
राज्य मा स्वास्थ्य सेवाओ मा निजी क्षेत्र क बड़ो योगदान- धस्माना।
देहरादून । कोविड-19 की विनाशकारी दूसर लहर मा उत्तराखंड मा व्यापक पैमाने पर हूँण व्हाल संक्रमण व वेक कारण हुई मौत न जब देहरादून समेत पूर उत्तराखंड तै जखझोर कन रखी दे छ्यायी , वे बगत आरोग्य धाम हॉस्पिटल डॉक्टर विपुल कंडवाल व उक हॉस्पिटल क डॉक्टरों, पैरामेडिकल, क्लिनिकल व अन्य नॉन क्लिनिकल स्टाफ न जै ढंग से कोविड-19 संक्रमित मरीजों क इलाज उकी देखरेख व सेवा करि उ वास्तव मा काबिले तारीफ च। अर समाज तै इन लोगू क सम्मान व प्रोत्साहन कन चियाद। या बात बात आज उत्तराखंड प्रदेश कांग्रेस कमेटी क उपाध्यक्ष व देवभूमि मानव सांसाधन विकास ट्रस्ट अध्यक्ष सूर्यकांत धस्माना न आरोग्यधाम हॉस्पिटल मा देवभूमि ट्रस्ट द्वारा उरयू सम्मान कार्यक्रम मा बतौर मुख्यातिथि अपर सम्बोधन मा ब्वाल।
सूर्यकांत धस्माना न ब्वाल कि यी देहरादून अर उत्तराखंड लोगू सौभाग्य च कि डॉक्टर विपुल कंडवाल जणी विशेषज्ञ सर्जन क नेतृत्व मा काम कन व्हाळी एक युवा डॉक्टरों , पैरामेडिकल अर क्लिनिकल स्टाफ की प्रतिबद्ध टीम चकित्सा सेवा खातिर एक सुसज्जित हॉस्पिटल दगड़ी मिली।
उन ब्वाल कि कोरोना क दूसरी लहर मा जख निजी क्षेत्र कई अस्पतालों की बहुत शिकायत मिली वखि आरोग्य धाम हॉस्पिटल क हर व्यक्ति न यी बात क तारीफ करी कि मरीजों से अस्पताल मा न तो दुर्व्यवहार व्हाई अर ना ही क्वी नाज़ायज़ पैसे लिए गेन।। श्री धस्माना न ब्वाल कि यी त उक व्यक्तिगत तजुर्बा रायी कि जै भी मरीज तै उन आरोग्यधाम भेजी उ ठीक व्हे कन राजी खुशी घर ग्यायी।
श्री धस्माना न ब्वाल कि डॉक्टर,नर्स,क्लिनिकल व पैरामेडिकल स्टाफ क भी घर वाले व्हे करदन अर उक भी अपरू की जान चिंता व्हे करदी किंतु अपरी जान हथेली पर रखी कन दूसरों जान बचाण व्हाल महान व्हे करदन, इले हम आप कुणी थैंक यू बुलणा आयी।उन शाल पहने कन अर पुष्प गुच्छ दे कन डॉक्टर विपुल कंडवाल क अभिनंदन करी कन सम्मानित करी। श्री धस्माना न अस्पताल 25 अन्य स्टाफ जै मा डॉक्टर, क्लिनिकल,नर्सिंग,पैरामेडिकल स्टाफ तै अंगवस्त्र पहने कन मास्क, सैनिटाइजर, आक्सिमीटर, थर्मामीटर व पौष्टिक जूस किट भेंट करी सम्मानित करी।
ये मौका पर डॉक्टर विपुल कंडवाल न श्री धस्माना व देवभूमि मानव संसाधन विकास ट्रस्ट क हार्दिक धन्यवाद ज्ञापित करी कन ब्वाल ये प्रकार क सम्मान से उक व उकी टीम क उत्साहवर्धन व्हाई आए सम्मान से उ गौरवांवित भी महसूस कना छन उक अर उकी टीम द्वारा करि सेवा से लोग संतुष्ट व खुश छन।उन ब्वाल कि ये प्रकार क प्रोत्साहन से उन प्रेरणा भी मिलदी अर अधिक सेवा कना की।
ये मौका पर आरोग्यधाम क डॉक्टर विपुल कंडवाल, डॉक्टर डीएस बिष्ट,डॉक्टर तरुण,डॉक्टर स्वाति जगोत्रा,डॉक्टर संजय नैथानी,डॉक्टर प्रतीक बहुगुणा,
नर्सिंग स्टाफ मा विजय पैन्यूली,बबिता आर नेगी, विनोद जगूड़ी, पूनम रौथाण,अभिनव बिष्ट,आस्था बडूनि।
हाउस कीपिंग क अशोक,कविता,शिव कुमार। प्रशासनिक क अंकित तिवारी,अभिषेक बलूनी,गौरव चौहान,योगेश सती,अजय कुमार व लक्ष्मी कठैत अर
सुरक्षा स्टाफ क राजेश मलेथा,राम सिंह,मुकेश आले व संगीता तै अंग वस्त्र पहने कन किट दे कन सम्मानित करी।
महानगर कांग्रेस उपाध्यक्ष अभिषेक तिवारी, महानगर युवा कांग्रेस अध्यक्ष गौतम सोनकर व उदय सिंह पंवार भी कार्यक्रम मा श्री धस्माना दगड़ मा रैन।
