आधुनिक सुविधाओं से सुसज्जित व्हाल मिनी स्टेडियम खिर्सू
आधुनिक सुविधाओं से सुसज्जित व्हाल मिनी स्टेडियम खिर्सू।
स्टेडियम मा सुविधाओं खातिर मिलली 60-70 लाख क अतिरिक्त धनराशि।
विकासखण्ड पाबौं अर थलीसैंण क बुंगीधार मा जल्द शीघ्र बणल खेल मैदान।
देहरादून । आज विधानसभा स्थित सभागार मा युवा कल्याण विभाग अर कार्यदायी संस्था क समीक्षा बैठक करे ग्यायी।
श्रीनगर विधानसभा क्षेत्र क अंतर्गत खिर्सू मा निर्माणाधीन मिनी स्टेडियम कुणी 60-70 लाख क अतिरिक्त धनराशि प्रदान करे जाली ताकि स्टेडियम मा चेंजिंग रूम, मिनी जिम, शौचालय, पेयजल समेंत तमाम आवश्यक सुविधाओं क निर्माण करे जै सक्याव । जबकि विकासखण्ड पाबौं अर थलीसैंण क बुंगीधार थानचौथान मा द्वी नै खेल मैदान बणये जाल। ये बाबत अधिकारियूँ तै निर्देश दे दिये गीन।
खिर्सू मा निर्माणाधीन मिनी स्टेडियम काम आखिरी पड़ाव मा च । आधुनिक सुविधाओं क निर्माण बाबत कार्यदायी संस्था द्वारा रूपये 60-70 लाख क अतिरिक्त मांग करे ग्यायी। ताकि स्टेडियम मा चेंजिंग रूम, मिनी जिम, शौचालय, पेयजल सहित होर आवश्यक सुविधा उपलब्ध करये जै सक्याव । पैल भी स्टेडियम निर्माण बाबत लगभग एक करोड़ धनराशि स्वीकृत करे ग्यायी।.
कार्यदायी संस्था तै जल्द अतिरिक्त धनराशि दिए जाली अर विकासखण्ड पाबौं अर थलीसैंण क बुंगीधार चौथान मा द्वी नै खेल मैदान जल्दी बणये जाल।
यूंक निर्माण बाबत अधिकारियूँ तै आवश्यक कार्यवाही क निर्देश दिएन । बैठक मा अपर सचिव युवा कल्याण प्रताप सिंह शाह, निदेशक युवा कल्याण जी.एस. रावत, संयुक्त निदेशक आर.सी. डिमरी, प्रोजेक्ट मैनेजर उत्तराखंड पेयजल निगम (खेल इकाई) राकेश चन्द्र तिवारी सहित होर विभागीय अधिकारी उपस्थित रैन।
