ख़ास ख़बर :- 615 करोड़ रुपयो से चमकली उत्तराखंड सड़क, केंद्र बिटिन 42 सड़क अर पुल प्रस्तावों तै मिली मंजूरी

ख़ास ख़बर :- 615 करोड़ रुपयो से चमकली उत्तराखंड सड़क, केंद्र बिटिन 42 सड़क अर पुल प्रस्तावों तै मिली मंजूरी
Spread the love

ख़ास ख़बर :- 615 करोड़ रुपयो से चमकलिए उत्तराखंड सड़क, केंद्र बिटिन 42 सड़क अर पुल प्रस्तावों तै मिली मंजूरी

देहरादून । उत्तराखंड चुनावी साल मा सड़कू चौड़ीकरण अर सुधारीकरण कुणी केंद्र सरकार बिटी 615.48 करोड़ रुपये की मंजूरी मिली। केंद्रीय सड़क अवस्थापना निधि (सीआरआईएफ) तहत 42 सड़क व पुल प्रस्तावों तै मिली मंजूरी मिली। या जानकारी मुख्यमंत्री पुष्कर सिंह धामी न द्याय।

शुक्रवार कुणी राज्य सचिवालय स्थित मीडिया सेंटर मा उरयी आयोजित पत्रकार वार्ता मा मुख्यमंत्री न ब्वाल कि यी धनराशि दगड़ी केंद्रीय सड़क निधि तहत राज्य सरकार क प्रयासों से राज्य सड़क कुणी 1124.25 करोड़ रुपयो की मंजूरी मिल ग्यायी । जबकि राज्य गठन से लेकन साल 2017 तक 17 सालों मा केवल 614.85 करोड़ रुपये मंजूर व्हेन। 42 सड़कों व पुलों चौड़ीकरण अर सुधारीकरण काम बाबत 615.48 करोड़ की मंजूरी कुणी उन प्रधानमंत्री नरेन्द्र मोदी अर केंद्रीय सड़क परिवहन व राजमार्ग मंत्री नितिन गडकरी आभार व्यक्त करी। उन ब्वाल कि केंद्र सहयोग से सडकों पर जाम स्थिति मा सुधार व्हाल, यातायात सुलभ अर आरामदायक व्हाल।

मुख्यमंत्री न ब्वाल कि कै भी प्रदेश की आर्थिक व सामाजिक उन्नति मा आवागमन साधनों की सुलभ उपलब्धता अत्यधिक प्रभाव पड़द। प्रदेश विकास मा सड़क मार्ग लाइफ लाइन काम करदन।

केंद्र से मिल चुकी 25 हजार करोड़ मंजूरी

सीएम न ब्वाल कि केंद्र सरकार से उत्तराखंड सड़कों, पुलों क निर्माण, सुधारीकरण व चौड़ीकरण कुणी 25 हजार करोड़ की मंजूरी मिल चुकी । ये मा 12 हजार करोड़ रुपये दून-दिल्ली एक्सप्रेस हाईवे कुणी मंजूर हुया छन।

फोरलेन व्हाल जोगीवाला-सहस्त्रधारा रोड

जोगीवाला-लाडपुर-रायपुर रोड सहस्त्रधारा रोड अब फोरलेन करे जाल। केंद्र सरकार न ये कुणी 77.53 करोड़ रुपये मंजूर करे गीन । यी मार्ग खैरी मानसिंह क नजीक तक चौड़ व्हाल।

ऋषिकेश मा बजरंग सेतु कुणी 69.26 करोड़

ऋषिकेश मा गंगा नदी पर पुरण लक्ष्मण झूला जगह मा मंजूर झूला पुल निर्माण कुणी 69.26 करोड़ रुपये मंजूर कर्या छन। बजरंग सेतु क नाम से जणे जाण व्हाल ये झूल पुल पर अब काम शुरू व्हे सकल।

हरिद्वार मा ट्रैफिक दबाव व्हाल कम

रुड़की-लक्सर, बालावाली मार्ग कुणी केंद्र सरकार न 25.18 करोड़ मंजूर कर देन। यख उत्तर प्रदेश तरफ बिटी डबल लेन मार्ग कुणी निर्माण व्हे ग्यायी। अब उत्तराखंड तरफ बिटी डबल लेन मार्ग निर्माण व्हे सकल। ये से दिल्ली जाण व्हाल यूपी ट्रैफिक तै वैकल्पिक मार्ग मिल जाल। इन हूँण पर हरिद्वार मा ट्रैफिक दबाव कम व्हे सकल।

पौड़ी-देवप्रयाग, गजा-जजाल, नंदप्रयाग घाट मोटर रोड, टिहरी मा चांदनी चौक व अन्ना हजारे चौक, बड़वाला-जूडो मोटर मार्ग, नैनीताल मा रामनगर कालाढुंगी, गदरपुर-दिनेशपुर-हल्द्वानी मोटरमार्ग, अल्मोड़ा मा अल्मोड़ा-बैजनाथ, ग्वालदम, कर्णप्रयाग मोटर मार्ग पर ब्लैक स्पॉट सुधारीकरण कुणी धनराशि मंजूर करे ग्यायी।

Amit Amoli

Leave a Reply

Your email address will not be published.