उत्तराखंड पहचान देवी की भूमि क रूप मा व्हाव : रेखा आर्य, नई टिहरी बहु उद्देश्य भवन मा उरायी मुख्यमंत्री महालक्ष्मी योजना कार्यक्रम
उत्तराखंड पहचान देवी की भूमि क रूप मा व्हाव : रेखा आर्य, नई टिहरी बहु उद्देश्य भवन मा उरायी मुख्यमंत्री महालक्ष्मी योजना कार्यक्रम
नई टिहरी। उ मातृ शक्तियों तै मेरी अभिनंदन जौंन एक बेटी तै जन्म द्याय। आप बेटियूँ तै भी समान अधिकार दीणा छन। ये प्रदेश कुणी गर्व बात च। आपक ये सार्थक प्रयास बदौलत एक दिन उत्तराखंड देवी क भूमि रूप मा जणे जाल। या बात महिला सशक्तिकरण अर बाल विकास मंत्री रेखा आर्य न ब्वाल।
शनिवार कुणी नई टिहरी क बहु उद्देशीय भवन मा मुख्यमंत्री महालक्ष्मी किट वितरण कार्यक्रम उरये ग्यायी । ये मौका पर करीब 30 महिलाओं तै महालक्ष्मी किट वितरित करे ग्यायी। भाजपा जिला अध्यक्ष नई टिहरी विनोद रतूड़ी न ब्वाल कि मुख्यमंत्री पुष्कर सिंह धामी सोच अर मंत्री रेखा आर्य क सार्थक प्रयासों क बदौलत आज महिलाओ तै यी योजना लाभ मिलणा।
ये दौरान मंत्री रेखा आर्य न अपर संबोधन की शुरुआत मातृ शक्तियों की जयकार से करी। उन ब्वाल कि आप खुचली मा महालक्ष्मी जू च। यी एथर जैकन उत्तराखंड संभालली। ब्वाल कि एक माँ थकान अपरी बेटी की मुस्कान से दूर व्हे जांद, जबकि पुरुषों मा इन दिखणा कुणी नि मिलद। ब्वाल कि यी समान अवसर दिए जाव , यी भी हर क्षेत्र मा बेहतर कर सकद, इन शक्ति ईश्वर न यूँ तै द्याय।
उन ब्वाल कि प्रसव बाद हर माँ तै जन सामान क जरूरत पड़दी, उ सब्बि यी महालक्ष्मी किट मा दियाणा । उन ब्वाल मुख्यमंत्री श्री पुष्कर सिंह धामी की यी योजना तै स्वीकृति दीण खातिर आभार जतायी।
ये मौका पर जिलाधिकारी टिहरी ईवा, आशीष श्रीवास्तव, भाजपा जिलाध्यक्ष टिहरी विनोद रतूड़ी, जिला कार्यक्रम अधिकारी बबिता शाह, पूर्व दायित्व धारी बेबी असवाल, ब्लाक प्रमुख जाखणीधार श्रीमति सुनीता, ब्लाक प्रमुख चम्बा शिवानी बिष्ट, सीडीओ नमामि बंसल, जिलाध्यक्ष महिला मोर्चा रेखा राणा आदि मौजूद रैन।