उत्तराखण्ड रैवासियूं मन मुराद व्हेली पूरी, लोक गीतांग नरेन्द्र सिंह नेगी नौं पद्म पुरस्कार खातिर भेजली धामी सरकार,

उत्तराखण्ड रैवासियूं मन मुराद व्हेली पूरी, लोक गीतांग नरेन्द्र सिंह नेगी नौं पद्य पुरस्कार खातिर भेजली धामी सरकार,
देहरादून। मुख्यमंत्री पुष्कर सिंह धामी न लोक गीतांग नरेन्द्र सिंह नेगी 73वां जन्म दिवस मौका पर उंक नाम पद्य पुरस्कार खातिर भिजणा की घोषणा करी। उन ब्वाल कि जल्द ही राज्य सरकार बिटी ये बाबत संस्तुति केन्द्र तै भेज दिये जाली। उन ब्वाल कि लोक गीतांग नरेन्द्र सिंह नेगी समेत प्रदेश लोक संस्कृति रचनाकारों, लोक गीतांगू जीवन परिचय अर रचनाऔं क अभिलेखीकरण करी कन किताब रूप मा छपे जाली।
बुप्यर दिन मुख्यमंत्री पुष्कर सिंह धामी न मुख्यमंत्री आवास मा प्रसिद्ध लोक गीतांग नरेन्द्र सिंह नेगी जीवन दर्शन अर व्यक्तित्व पर आधारित किताब ’सृजन से साक्षात्कार’ विमोचन करी। उन ब्वाल कि नरेन्द्र सिंह नेगी न समृद्ध लोक संस्कृति अर सामाजिक सरोंकारों तै अपर गीत अर संगीत माध्यम से देश दुन्या तकन पौंछाण काम करी। यी वास्तव मा समाज कुणी सफल नायक तौर पर रैन। उंक गीत राज्यवासियूं न अपनी परंपराआेंं से जुड़न मा मददगार रैंन। उन उम्मीद जतै कि उ अपनी विशिष्ट रचनाधर्मिता से समाज तै होर बेहतर बाट दिखाणौं बाबत काम करल। मुख्यमंत्री न घोषणा करी कि लोकगीतांग नरेन्द्र सिंह नेगी, मोहन उप्रेती, गिरीश तिवारी गिर्दा, हीरा सिंह राणा, शमसेर सिंह, जीत सिंह नेगी अर चंद्र सिंह राही समेत होर प्रमुख रचनाकारों जीवन परिचय अर रचनाओं क अभिलेखीकरण करी कन किताब रूप छपे जाली।
उच्च शिक्षा मंत्री धन सिंह रावत न भी लोक संस्कृति तै बढावा दीणा खातिर लोक गीतांग नरेन्द्र सिंह नेगी प्रयासौं सराहना करी। कार्यक्रम मा लोक गीतांग नरेन्द्र सिंह नेगी न मुख्यमंत्री आभार जतै कन ब्वाल कि समाज मुखड़ी पर च रौनक लाण क उंक प्रयास लगातार जारी राल। उ भविष्य मा भी अपर गीतौं माध्यम से समाज की सेवा कना राल। काय्रक्रम मा डॉ योगेश धस्माना, डॉ नंद किशोर हटवाल, गणेश खुगसाल गणी, संजय दरमोड़ा, दिनेश शास्त्री, विपिन बलूनी रामचरण जुयाल, मनोज इष्टवाल, मदन ढुकलान, रमाकांत बेंजवाल दगड़ी संस्कृति सामाजिक सरोकारों से जुड़या लोग उपस्थित रैन।