उत्तराखंड मा आजादी अमृत महोत्सव की तैयारि जोरों पर, 15 अगस्त दिन हर घर झण्डा अलावा व्हाल ये कार्यक्रम
उत्तराखंड मा आजादी अमृत महोत्सव की तैयारि जोरों पर, 15 अगस्त दिन हर घर झण्डा अलावा व्हाल ये कार्यक्रम।
देहरादून । अपर मुख्य सचिव राधा रतूड़ी की अध्यक्षता मा उक सचिवालय केबिन मा आजादी का अमृत महोत्सव सम्बन्ध मा संक्षिप्त बैठक आयोजित करे ग्यायी।
बैठक मा संबंधित अधिकारियूँ क दगड़ी उ आजादी अमृत महोत्सव से संबंधित विभिन्न जनपदों मा करे जाण व्हाल कार्यक्रमों मैराथन दौड़, साईकिल रेली, नशामुक्ति जागरूकता अभियान, नुक्कड़ नाटक, शिक्षण संस्थानों मा निबंध प्रतियोगिता व पेंटिंग प्रतियोगिता, स्वतंत्रता सेनानी स्थल भ्रमण, स्वच्छता व सैनिटेशन कार्यक्रम, खादी-ग्रामोद्योग प्रदर्शनी इत्यादि कार्यक्रमों उरयाण बाबत चर्चा करे ग्यायी।
अपर मुख्य सचिव न संस्कृति विभाग क अधिकारियूँ तै निर्देशित करे ग्यायी कि विभिन्न जनपदों मा ये उपलक्ष्य मा उरयाण व्हाल कार्यक्रमों बेहतर आयोजन कुणी विभिन्न जनपदों अर संबंधित विभागों से लगातर समन्वय करो अर उते उक ये संबंध मा लगातार मार्गदर्शन करो। उन निर्देश देन कि विभिन्न जनपदों तै जारी कर्या कार्यक्रम कैलेण्डर अनुसार कार्यक्रमों क आयोजन करवायी। 15 अगस्त दिन हर घर झण्डा कार्यक्रम अर सामूहिक राष्ट्रगान कार्यक्रम की पहले से ही बेहतर तैयारी करवाण कुणी ब्वाल।
विदित च कि प्रधानमंत्री नरेन्द्र मोदी न 12 मार्च 2021 कुणी दांडी मार्च की वर्षगांठ पर देश मा आजादी अमृत महोत्सव कार्यक्रम शुभारंभ करी। वे दिन उत्तराखण्ड देहरादून अर अल्मोड़ा द्वी जनपदों मा भी उक्त कार्यक्रम की शुरूआत करे ग्यायी।
ये तहत 15 अगस्त 2023 तक देश भर मा विभिन्न कार्यक्रमों क आयोजन करे जाण। उत्तराखण्ड मा भी मुख्यमत्री की अध्यक्षता मा उच्च स्तरीय कार्यक्रम आयोजन समिति गठन करे ग्यायी। जू सम्पूर्ण कार्यक्रमों का मार्गदर्शन अर देख-रेख करली।
येक अंतर्गत प्रत्येक जनपद तै इवेंट कार्यक्रम कैलेण्डर जारी करे ग्यायी अर जनपदों तै वेक अनुसार इवेंट कार्यक्रम आयोजित करे जाल। ये दौरान बैठक मा सचिव एच.सी. सेमवाल, निदेशक संस्कृति श्रीमती बीना भट्ट भी उपस्थित छेयी।
