उत्तर प्रदेश तर्ज पर जनसंख्या नियंत्रण कानून तरफ सीएम धामी न करी इशरू, दगड़ा मा भू कानून पर भी जल्दी ह्वाल बात विचार
मुख्यमंत्री पुष्कर सिंह धामी न ब्वाल कि जनसंख्या नियत्रंण, पलायन अर भू कानून तै लेकन जल्दी ही सरकार अर पार्टी आपस में विचार विमर्श करली। उत्तराखण्ड हित खातिर जू भी कानून ठीक ह्वाल, वै तै प्रदेश सरकार लेकन आली। उन ब्वाल कि कांवड़ यात्रा श्रद्वा अर भक्ति से जुड़यू विषय छ। भगवान भी यी नी चांद कि उक कै भी भक्त जान जाव। आमजन की जानमाल की सुरक्षा प्राथमिकता छन। सभी राज्यों से आपसी समन्वय स्थापित कर कावंड़ यात्रा बाबत निर्णय लिये जाल।
इतवार कुणी नै दिल्ली मा पत्रकारों दगड़ी बातचीत मा मुख्यमंत्री पुष्कर सिंह धामी न ब्वाल कि कॉव़ड़ यात्रा मा उत्तराखण्ड मेजबान राज्य छ। यख उत्तर प्रदेश, हरियाणा, दिल्ली, अर मध्य प्रदेश बिटी श्रद्वालू ऐ करदन। धामी न ब्वाल कि उक शपथ ग्रहण कन से पैली ही प्रदेश सरकार कोरोना संक्रमण तै देखी कन कांवड यात्रा स्थगित कना का निर्णय लियाल छ्यायी। प्रदेश सरकार न अब कॉवड़ यात्रा तै लेकन श्रद्धा अर आस्था तै देखी कन संबंधित राज्यौं अधिकारी स्तर पर वार्ता कन निर्णय लियूं। येक बाद उच्च स्तर वार्ता ह्वेली। जरूरत पड़ली त उ भी उच्च स्तर की वार्ता करे जाली। सरकार की पैल प्राथमिकता छ कै भी कीमत पर श्रद्धालुऔं की जान तै खतरा न ह्वाव।
