सांसद अनिल बलूनी ब्वाल, उत्तराखंड हरिद्वार मा खुलल कैंसर अस्पताल, टाटा इंस्टीट्यूट से व्हाल अनुबंध
सांसद अनिल बलूनी ब्वाल, उत्तराखंड हरिद्वार मा खुलल कैंसर अस्पताल, टाटा इंस्टीट्यूट से व्हाल अनुबंध ।
हरिद्वार । हरिद्वार मा शुरू हुयूँ भाजपा क द्वी दिन कार्यक्रम मा पहुंचया राज्यसभा सदस्य अनिल बलूनी न ब्वाल कि कैंसर अस्पताल विश्वस्तरीय अत्याधुनिक सुविधायुक्त व्हाल।
राज्यसभा सांसद अनिल बलूनी न ब्वाल कि हरिद्वार अर हल्द्वानी मा ये साल आखिर तकन कैंसर क इलाज की सुविधा शुरू व्हे जालीं। कैंसर अस्पताल कुणी राज्य सरकार, एटॉमिक एनर्जी विभाग अर टाटा इंस्टीट्यूट क बीच अगल सप्ताह अनुबंध व्हे जाल। उन ब्वाल कि हल्द्वानी मा पैल बिटी कैंसर अस्पताल क ढांचा खड़ू च। वख कीमोथेरेपी अर इलाज सुविधा शुरू करे जाली।
शुक्रवार बिटी हरिद्वार मा शुरू हुयू भाजपा द्वी दिन कार्यक्रम मा पहुंच राज्यसभा सदस्य अनिल बलूनी न ब्वाल कि कैंसर अस्पताल विश्वस्तरीय अत्याधुनिक सुविधायुक्त व्हेली। हरिद्वार मा जमीन लेकन अस्पताल बणाण मा सालों लग जाल।
ये सरकार पैल बिटी निर्मित भवन मा चिकित्सा उपकरण स्थापित करी कन इलाज शुरू कर द्याल। ये कुणी कईभवन चिह्नित कर्या छन । यूँ मनन एक फाइनल कन बाकी च। येक बाद उत्तराखंड क कैंसर मरीजों कुणी इलाज बाबत दिल्ली अर दूसरे बड़ शहरों मा नि जाण पड़ल।
