उत्तराखंड मा पीपीपी मोड़ अस्पतालों की कार्यप्रणाली से नाराज विधायको न स्वास्थ्य मंत्री से लगाई गुहार, मंत्री द्याय चेतावनी 1 मैना मा नि सुधरी व्यवस्था त समाप्त व्हाल अनुबंध

उत्तराखंड मा पीपीपी मोड़ अस्पतालों की कार्यप्रणाली से नाराज विधायको न स्वास्थ्य मंत्री से लगाई गुहार, मंत्री द्याय चेतावनी 1 मैना मा नि सुधरी व्यवस्था त समाप्त व्हाल अनुबंध।

देहरादून । राज्य स्वास्थ्य एवं चिकित्सा शिक्षा मंत्री डा. धन सिंह रावत न विधानसभा स्थित सभागार मा प्रदेश भर मा पीपीपी मोड़ मा संचालित अस्पतालों संचालकों अर विभागीय अधिकारियों बैठक ल्यायी। ये मा कैबिनेट मंत्री सतपाल महाराज समेंत संबंधित क्षेत्र क अद्धा दर्जन विधायकों न प्रतिभा करी। बैठक मा विधायको अपर-अपर क्षेत्र मा संचालित पीपीपी मोड़ अस्पताल समस्याएं रखीन। विधायको न पीपीपी मोड़ मा चलण व्हाल अस्पतालों क गैरजिम्मेदाराना रवैये, डाक्टरों कमी जणी अन्य कई गंभीर मद्दों बैठक मा उठेन । जै पर विभागीय मंत्री डा. रावत न पीपीपी मोड़ अस्पताल संचालकों तै कार्यप्रणाली मा सुधार लाण निर्देश देन। उन ब्वाल कि यदि संबंधित अस्पतालों न एक मैना भीतर अपरी कार्यप्रणाली मा जन अपेक्षाओं अनुरूप सुधार नि लाय त सरकार इन अस्पतालों क विरूद्ध अनुबंध समाप्त कन की कार्यवाही से गुरेज नि करली।

डा. रावत न बतायी कि सरकार मकसद पीपीपी मोड़ माध्यम से स्थानीय स्तर पर जनता तै स्वास्थ्य सुविधा उपलब्ध कराण च । अस्पताल संचालकों की जिम्मेदारी च कि उ अस्पताल मा विशेषज्ञ डाक्टरों की उपलब्धता सुनिश्चित कर लोगू की स्वास्थ्य संबंधी दिक्कतों तै दूर करो। विधायकों एवं स्थानीय जनता क साथ समन्वय स्थापित कन बाबत उन अस्पताल संचालकों तै संपर्क अधिकारी नियुक्ति कन क निर्देश देन। डा. रावत न विभागीय अधिकारियों तै निर्देशित करी कन ब्वाल उ पीपीपी मोड़ मा संचालित अस्पतालों की लगातार निगरानी करी कन प्रत्येक मैना रिपोर्ट शासन तै भेजो।

कैबिनेट मंत्री सतपाल महाराज न बताया कि क्षेत्र भ्रमण दौरान क्षेत्रवासियों न पीपीपी मोड़ मा संचालित अस्पताल बीरोंखाल मा अव्यवस्था की शिकायतें करी अर अफिक उन अस्पताल मा विशेषज्ञ डाक्टर व टेक्निशियन गायब मिलीन। यी ना क्षेत्रवासियों न बताया कि काफी दिनों तक अस्पताल की ओपीडी भी बंद रैन जै कारण क्षेत्रवासियों तै स्वास्थ्य संबंधी समस्याओं सामना कन पड़ी।

बैठक मा कैबिनेट मंत्री सतपाल महाराज, विधायक टिहरी धन सिंह नेगी, विधायक सल्ट महेश जीना, विधायक रामनगर दिवान सिंह बिष्ट, घनसाली विधायक शक्ति लाल शाह, पूर्व विधायक एवं नगर पालिका अध्यक्ष पौड़ी यशपाल बेनाम, सचिव स्वास्थ्य अमित नेगी, अपर सचिव स्वास्थ्य अर मिशन निदेशक एनएचएम सोनिका, स्वास्थ्य महानिदेशक डा. तृप्ति बहुगुणा, सीएमओ टिहरी संजय जैन, डा. ए.एस. चौहान, डा. रमेश कुमार, डा. शैलेन्द्र सिंह, डा. रमेश सिंह राणा, डा. आशीष गुसांई, डा. एमबी पंत, डा. पीयूष, डा. संतोष कुंवर, डा. गौरव रतूड़ी, डा. प्रतिभा कोहली, दीपक गोयल, अभिषेक दुबे, अम्बेश बाजपेय सहित विभागीय अधिकारी एवं पीपीपी मोड़ अस्पतालों क प्रतिनिधि उपस्थिति रैन।