नेता प्रतिपक्ष प्रीतम सिंह क भाजपा सरकार पर हमला, ब्वाल लोकायुक्त गठन हुयू हूंद त नि हूंद कुंभ घोटाला
नेता प्रतिपक्ष प्रीतम सिंह क भाजपा सरकार पर हमला, ब्वाल लोकायुक्त गठन हुयू हूंद त नि हूंद कुंभ घोटाला
ऋषिकेश । तीर्थनगरी ऋषिकेश मा उरयू प्रदेश कांग्रेस कमेटी क तीन दिवसीय विचार मंथन शिविर लेखा-जोखा शीर्ष नेताओं न संयुक्त प्रेस कांफ्रेंस मा मीडिया क समणि रखी। ये दौरान महंगाई, बेरोजगारी, महिलाओं की सुरक्षा, स्वास्थ्य, शिक्षा, न्याय योजना आदि पर कांग्रेस नेताओं न अपरी प्राथमिकताएं गिणेन। पार्टियों की भविष्य की नीतियों तै भी समणी रखी।
प्रेस कॉन्फ्रेंस मा नेता प्रतिपक्ष प्रीतम सिंह न भाजपा सरकार पर हमला ब्वाल। प्रीतम न ब्वाल कि भाजपा तत्कालीन मुख्यमंत्री त्रिवेंद्र सिंह रावत न जीरो टॉलरेंस सरकार अर सौ दिन मा लोकायुक्त लाण की बात बोली छ्यायी। कांग्रेस न तब लोकायुक्त बिल का समर्थन करी छ्यायी। लेकिन भाजपा न बिल तै प्रवर समिति तै द्याय ।
आज साढ़े चार साल बाद भी बिल कुछ अता पता नि च। प्रीतम सिंह न ब्वाल कि अगर लोकायुक्त गठन समय पर व्हे जांद त कुंभ मा इतना बड़ा टेस्टिंग घोटाला नि हूंद । उन ब्वाल कि कोविड व्यवस्थाओं तै लेकर भाजपा की नाकामियों चलद कोरोना संक्रमितों को न आईसीयू मिला न बेड।
कई लोगू न अपने परिजन खो द्याय । विधानसभा चुनाव क दौरान भाजपा क प्रधानमंत्री न रैली दौरान डबल इंजन की सरकार बणाण पर किसानों का कर्ज माफ कन का वादा करी छ्यायी। चार साल बाद भी सरकार अपर वादा पूर नि कर पाई। ये बीच कई किसानों न आत्महत्या कर द्याय। आर्थिक तंगी क चलद कई व्यापारियों न जान तक दे द्याय ।
विचार मंथन शिविर मा कांग्रेस न ल्यायी संकल्प
– प्रदेश मा न्याय योजना लागू करे जाली।
– उत्तराखंड क पांच साल मा बेरोजगारी मुक्त करे जाल।
– पर्यटन अर ट्रांसपोर्ट व्यावसायियू राहत दींण बाबत टैक्स मा छूट दीये जाली।
– गरीब अर कमजोर वर्ग कुणी भूमि नियमितीकरण कुणी कानून लये जाल।
– पूर्व सैनिक अर अर्धसैनिक कल्याण परिषद तै पुनर्जीवित करे जाल। जिलाधिकारी समिति क नोडल अधिकारी व्हाल।
– खेलों अर खिलाड़ियों तै प्रोत्साहित कना बाबत ठोस योजना बणये जाली।
– कृषि भूमि तै बचाण कुणी सशक्त भू कानून लागू करे जाल।
– वृद्ध पेंशन और चतुर्थ श्रेणी कर्मचारी भर्ती से रोक हटाण कुणी प्रस्ताव पास कर केंद्र भिजे जाल।
– देवस्थानम बोर्ड तै समाप्त करे जाल।
– किसानों कुणी आर्थिक सुरक्षा प्रदान कना कुणी योजना बणये जाली।
– सिडकुल अर अन्य संस्थानों क माध्यम से भी स्थानीय युवाओं तै 70 प्रतिशत आरक्षण दीण सुनिश्चित करये जाल ।
