केदारनाथ रावल अर पुजारियूँ तै को एक ही छत तळ न मिलली सभी सुविधा, तीन मंजिला इमारत व्हाल निर्माण, 10 करोड़ रुपयो बजट जारी।
केदारनाथ रावल अर पुजारियूँ तै को एक ही छत तळ न मिलली सभी सुविधा, तीन मंजिला इमारत व्हाल निर्माण, 10 करोड़ रुपयो बजट जारी।
देहरादून । विश्व प्रसिद्ध श्री HB केदारनाथ धाम मा यात्रा अर पूजा तै सफल आयोजन कराण खातिर रावल अर पुजारियूँ तै एक ही छत तळ सब्बि सुविधा मिलली। ये बाबत केदारनाथ धाम मा रावल व पुजारियों बाबत तीन मंजिला इमारत निर्माण करे जाल। जै खातिर शासन तरफ बिटी 10 करोड़ रुपये बजट जारी करे ग्यायी। केदारनाथ क रावल ही धाम मा 6 मैना की पूजा-अर्चना कुणी पुजारी तै अधिकृत करदन।
श्री केदारनाथ धाम से करीब 300 मीटर सरस्वती नदी समीप बणन व्हाल तीन मंजिला इमारत मा 18 कक्षों क निर्माण करे जाल। 6.39 करोड़ रुपये की लागत से बणन व्हाल यी इमारत मा रावल निवास, पुजारी आवास, भोग मंडी, पंथेर आवास, समालिया आवास, वेदपाठी आवास, पूजा कार्यालय आदि की व्यवस्था करे जाली। जै खातिर उत्तराखंड शासन की ओर से 10 करोड़ रुपये धनराशि उत्तराखंड चारधाम देवस्थानम बोर्ड तै प्राप्त व्हे गीन। जैकी पैली किस्त 27 मार्च अर दूसरी किस्त 12 जुलाई कुणी जारी व्हाई।
दिलीप जावलकर, पर्यटन सचिव न बताया कि तीन मंजिला इमारत निर्माण हूँण बाद यात्रा क साथ पूजा सफल अर आसानी से आयोजन व्हे सकल। शासन तरफ बिटी ये बाबत 10 करोड़ रुपये क बजट जारी कर दिये ग्यायी । येक सीध लाभ रावल व पुजारियूँ तै मिलल।
रविनाथ रमन, मुख्य कार्यकारी अधिकारी, उत्तराखंड चारधाम देवस्थानम बोर्ड न बतायी कि 265 वर्ग मीटर मा हूँण व्हाल भवन निर्माण बाबत स्थानीय जिलाधिकारी ओर से उत्तराखंड चारधाम देवस्थानम बोर्ड तै मंदिर परिसर क नजीक भूमि उपलब्ध करके दिये ग्यायी। निर्माण कार्य बाबत टेंडर प्रक्रिया शुरू करयाल। जल्दी निर्माण कार्य शुरू कर दिए जाल।
